Сүүлийн жилүүдэд хошин урлагийнхан кино урлагт хүч үзэх болсон. “Шинэ үе” продакшн “Үлгэрийн хайр”, “Буруу эргэлт” зэрэг уран сайхны кино хийсэн бол, “Х-Түц” продакшныхан “Миний хөрш чөтгөр” киног үзэгчдийн хүртээл болгосон. Тэгвэл энэ намар “Шинэ үе” продакшныхан инээдмийн уран сайхны кино хийж байгаа гэх мэдээлэл хэвлэлээр зунжингаа цацагдсан. Чухам ямар нэртэй, ямар кино хийж байгаа талаар тус продакшны захирал, жүжигчин Н.Ариунболд буюу Бооёогоос лавлахад “Манайхан кино хийгээгүй ш дээ. Өөрсдийн уран бүтээлдээ анхаарч ажиллаж байна. Кино хийж байгаа гэх мэдээлэл гараад л байсан” гэв.