65 сая төгрөгийн тусламж олгожээ | News.MN

65 сая төгрөгийн тусламж олгожээ

Хуучирсан мэдээ: 2010.09.16-нд нийтлэгдсэн

65 сая төгрөгийн тусламж олгожээ

Монгол Улсын иргэн, байгууллага болон хуулийн этгээдийн эрх, хууль ёсны ашиг сонирхлыг хилийн чанадад хамгаалах, шаардлагатай тохиолдолд тэдэнд эд материал, санхүүгийн дэмжлэг үзүүлэх зорилгоор “Иргэдэд туслах сан”-гаас нэг удаагийн буцалтгүй тусламжийг олгодог болжээ. Буцалтгүй тусламжийг олгохдоо тухайн улсын хууль эрх зүйн хүрээнд, үүссэн нөхцөл байдалтай уялдуулан олгох мөнгөний хэмжээ янз бүр байдаг аж.

Өнгөрөгч оны гуравдугаар улирлаас тус сангийн үйл ажиллагаа эхэлсэн бөгөөд энэ хугацаанд 20 хүнд тусалсан байна. Одоогоор БНХАУ, ОХУ, Их Британи, Бүгд найрамдах Чех  улс, БНСУ, Тайландын вант улс, ХБНГУ, АНУ, Щвейцари зэрэг улсуудад амиа алдсан талийгаачийн чандрыг зөөвөрлөх, холбогдон шүүхэд шилжсэн хурлын зардал мөн ялтан солилцоогоор эх орондоо ирэх зэрэг асуудлуудыг шийдвэрлэхэд 65 сая төгрөгийн буцалтгүй тусламж олгожээ. 

Дашрамд дуулгахад, хилийн чанадад манай улсын 190 мянга гаруй иргэн ажиллаж, сурч амьдарч байгаа гэсэн судалгаа бий. Хилийн чанадад амьдарч байгаа болон зорчиж буй иргэдийн дунд амь насаа алдах, осолд өртөх, гэмт хэргийн хохирогч болох, өвчлөх, баримт бичиг, эд зүйлээ гээгдүүлэх, дээрэмдүүлэх, хулгайд алдах, эх орондоо буцаж чадахгүй болох, албадан буцаагдах зэргээр хохирох явдал өсч байна. Мөн хэрэг төвөг үйлдэн баривчлагдаж саатуулагдах, шийтгүүлж ял эдлэх тохиолдол  гарсаар байна. Энэ бүх тохиолдолд төрийн зүгээс иргэддээ төрөл бүрийн тусламж үйлчилгээ үзүүлдэг ч тэдэнд хамгийн хэрэгтэй мөнгө, санхүүгийн тусламж үзүүлж чадахгүй байгаа аж. Иймд гадаадад суугаа Монгол Улсын иргэдэд туслах зорилгоор өнгөрсөн оны наймдугаар сарын 28-нд “Иргэдэд туслах сан”-гийн хуулийг баталсан аж.

П.Наран

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

www.freecall.mn 2010-09-16 202.170.67.217

Сайн байцгаана уу Манай Компани та бүхэнд дэлхийн
200 гаруй оронруу маш хямд үнээр
ярих Картыг санал болгож байна Холбоо барих утас 11350550

NewsMN Гар утасны хувилбар Татах
NEWS.mn

Мэдээллийн эх сурвалж