Halo Reach худалдаанд гарлаа | News.MN

Halo Reach худалдаанд гарлаа

Хуучирсан мэдээ: 2010.09.16-нд нийтлэгдсэн

Halo Reach худалдаанд гарлаа

Тоглоомын хорхойтнуудыг багагүй хугацаанд хүлээлгэсэн Halo Reach тоглоом дэлхийн олон улс, хотуудад өчигдөр нэгэн зэрэг худалдаанд гарлаа. Уг тоглоомыг худалдан авах гэсэн хүүхэд, залуус дэлгүүр онгойхоос өмнө хэдэн зуугаараа гадаа нь дугаарлан зогссон байжээ.
Британид гэхэд л, шөнө дунд болоход 400 дэлгүүр нэгэн зэрэг үүдээ нээж, Halo Reach тоглоомыг худалдаалж эхэлсэн бол Нью-Йорк, Стокгольм, Сиэттл, Сидней, Лондон, Осло гээд дэлхийн томоохон хотуудад мөн л дээрхийн адилаар Halo Reach тоглоом сүр дуулиантайгаар нээлтээ хийсэн байна.
АНУ-ын тоглоом хөгжүүлэгч Bungie студиэс гаргаж буй дөрөв дэх цуврал нь энэ болж байна. Өмнөх цуврал болох Halo 3 тухайн цаг үеийнхээ хамгийн шилдэг борлуулалттай тоглоомоор тодорч байсан юм. Харин өдгөө уг рекордыг Call of Duty 2: Modern Warfare тоглоом хэдийнэ эвдчихээд байна.
Анх 2001 онд худалдаанд гарч байсан Halo цувралын анхны хувилбар өнгөрсөн хугацаанд нийт 9 сая хувь борлогджээ.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж