Анх удаагаа хүний хиймэл өндгөвч бүтээжээ | News.MN

Анх удаагаа хүний хиймэл өндгөвч бүтээжээ

Хуучирсан мэдээ: 2010.09.16-нд нийтлэгдсэн

Анх удаагаа хүний хиймэл өндгөвч бүтээжээ

АНУ-ын Брауны их сургууль болон Роуд Айландын эх, нялхсын эмнэлгийн эрдэмтэн, судлаачид хамтран дэлхийд анх удаагаа эмэгтэй хүний өндгөвчийг хиймлээр хийжээ. Энэхүү хиймэл өндгөвч нь хорт хавдартай өвчтнүүдэд үргүйдлийн эсрэг эмчилгээ хийх мөн нөхөн үржихүйн судалгаанд ихээхэн нэмэр болохуйц үнэ цэнэтэй бүтээл гэнэ.
Хьюстоны нөхөн үржихүйн эмч Стефан Кроц болон Брауны их сургуулийн харьяа эмнэлгийн профессор Сандра Карсон гэгч судалгааг удирдан явуулсан бөгөөд түүний багийнхан лабораторийн орчинд хүний өндгөн эсийг боловсруулах чадвартай өндгөвчийг бүтээсэн байна.
Судалгаандаа тэд 25-46 насны эмэгтэйчүүдийг хамруулж, тэдний эсийг ашигласан гэнэ. Чухам ямар аргаар ийнхүү хүний өндгөвчийг хиймлээр хийж чадсан тухайгаа тэд удахгүй олон нийтэд мэдээлэх юм байна.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж