“Транс” банкны гүйцэтгэх за­хи­рал асан С.В.Новожиловыг Мон­голын хууль сахиулагчид  алдчихжээ. Яг л Жорж Чайлмерсийг алдсан шиг. Чингэлтэй дүүргийн шүү­хэд өчигдөр 12.00 цагт С.В.Но­вожиловыг шүүх тов гарсан бай­лаа. Тэрбээр “Транс” банкинд мон­голчуудын хадгалуулсан 400 га­руй сая төгрөгийг ОХУ-ын иргэ­дэд барьцаагүй зээлдүүлсэн нь шүүг­дэх үндэслэл болсон билээ. С.В.Но­вожиловт холбогдох хэргийг Ул­сын мөрдөн байцаах газрын Эдийн зас­гийн гэмт хэрэгтэй тэмцэх та­сагт шалгаж, Эрүүгийн хуулийн 150 дугаар зүйлийн 150.3, 156 ду­гаар зүйлийн 156.3-т зааснаар ял төлөвлөн прокурорт шилжүүлсэн. Түүнд холбогдох хэргийг Г.Мижид­дорж прокурор хянаж яллах дүг­нэлт үйлджээ. Тодруулбал, ОХУ-ын иргэн С.В.Новожиловыг банк­ны тухай хууль тогтоомж зөр­чиж, бусдын хөрөнгийг зав­шиж үрэгдүүлснээс бусдад их хэм­жээ­ний хохирол учруулсан гэж үзээд эд хөрөнгийг нь хурааж, 5-10 жил хүртэлх хугацаагаар хорих ял төлөвлөн шүүхэд шилжүүлсэн билээ. Түүнд холбогдох хэргийг Чингэлтэй дүүр­гийн шүүгч Б.Цогт шүүх тов гаргасан байлаа. Гэтэл анхан шатны шүүх хурал болсонгүй. Шүүх хурал болохгүй гэдгийг товлосон цагаас өмнө шүүхийн жижүүр дуулгасан юм. Эх сурвалжийн мэдээлснээр шүүгдэгч оргон зайлсан аж. Өмгөөлөгч Д.Пү­рэвбаатараас үйлчлүүлэгчийг нь сураглавал “Шүүх хурлын товыг ч мэдээгүй” гэв. Тэрбээр “Надад шүүх хурлын тов ирээгүй. Би хавтаст хэрэгтэй танилцаж байгаа. Үйлчлүүлэгчтэйгээ ойрд уулзаагүй. Хавтаст хэрэг шүүхэд очоогүй байх учиртай” гэсэн учир битүүлэг хариулт өгөв. Жорж Чайлмерсийг оргосны дараа ч хуулийнхан ингэж мэдэн будилж байсан билээ. Уг нь гадуур байцаагдаж байгаа сэжиг­тэн, яллагдагчид батлан даагч байх учиртай. Гэтэл гадаадын ир­гэд гэмт хэрэгт холбогдсон бол шүүхийн ширээнд суухын өмнө­хөн хил даваад дүрвэчихдэг жишиг тогтлоо. Монголбанкийг зали­лж 200 сая ам.долларын аккредитив нээх хууль бус гэрээ бай­гуулсан Жорж Чайлмерсийг ч гадуур байцааж байгаад хил давс­ных нь дараа Интерполоор эрэн сурвалжилж бөөн дуулиан дэг­дээсэн билээ. Өнөөг хүртэл бат­лан даагч болон өмгөөлөгчдөд нь хариуцлага тооцоогүй. Энд нэг зүйлийг онцлоход банк залилагчдад Монголын нэр хүндтэй өмгөөлөгчид үйлчилсэн байдаг. Жорж Чайл­мерсийг Ц.Монгол өмгөөлж бай­гаа бол С.В.Новожиловын өмгөө­лөгч Д.Пүрэвбаатар бас л шаг­гүй заргач, үйлчлүүлэгчийнхээ итгэлийг алддаггүй “үнэтэй” нэгэн билээ. Ц.Монгол өмгөөлөгчид Жорж Чайлмерс Тайландаас и-мэйл бичсэн гэх мэдээ байгаа. Ха­рин Д.Пүрэвбаатар өмгөөлөгч үйлч­лүүлэгчээ хаана явааг мэдэхгүй гэж байгаа. “Алтан дорнод Монгол” компанийн захирал С.В.Паушок, охидын биеийг үнэлүүлсэн гэх Италийн иргэн Б.Франческо гэх мэт хилээр гарахыг хориглосон сэжигтнүүд Монголын хуулийг тас өшиглөчихөөд хил гараад алхчихдаг жишиг бий. Тэдний өмнө Монгол Улсын хууль жижигдэж байна уу, хууль сахиулагчид хүчгүйдэж байна уу. Эсвэл бултуулагчдад мөнгө үйлчилж байна уу гэдгийг АТГ шалгахад илүүдэхгүй болов уу. Урагшгүй хуулийнхан монголчуудын 400 сая төгрөгийг залилаад дүрвэж одсон С.В.Новожиловыг бас Интерполоор хайлгахаар хүсэлт гаргах л үлдэх шив.

Б.ЦЭЦЭГДЭЛГЭР

Зохиогчийн эрх: "Улс төрийн тойм" сонин