Өвөрхангай аймагт энэ онд 18 жижиг, дунд үйлдвэрлэл байгуулагдан, 86 ажлын байр шинээр бий болжээ. Аймгийн хэмжээнд 2012 он хүртэлх жижиг, дунд үйлдвэрийг хөгжүүлэх стратегийг боловсруулсан бөгөөд энэ жилийн хувьд газар тариалангийн салбарыг түлхүү дэмжсэн учраас нийт олгосон 62 зээлийн 17 нь тус салбарынх байгаа юм. Тус аймагт энэ оны эхний дөрвөн сард багтаан 997 сая төгрөгийн зээлийг 79 төсөлд олгожээ.