Тус аймгийн Хяргас сумын Засаг даргын тамгын газар, аймгийн Хүнс, хөдөө аж ахуй, жижиг дунд үйлдвэрлэлийн газраас нутгийн шилмэл малын үзэсгэлэн худалдаа энэ сарын 12-нд зохион байгууллаа.
Уг үзэсгэлэн худалдаанд зургаан сумын нутгийн таван төрлийн шилмэл хээлтүүлэгч, хээлтэгч мал ирснийг сумын удирдлага, малчид ихээхэн сонирхож харилцан солилцох, худалдан авах гэрээ хийжээ. Шилмэл малыг галбир, хурд, мах, ноос, сүүний гарцаар шалгаруулжээ. Ц.Пүрэвсүрэн, Эрдэнэ-Очир нарын азарга, гүү, Эрдэнэбат, Өвгөдөө нарын бух, үнээ, Д.Лүндэн, Өлзийбаяр, Жавзаа нарын эм хонь, хуц, Норонпил, Буйдад, Цэнд-Аюуш нарын ухна, эм ямаа тус тус гойд ашиг шимт малаар шалгарсан байна.