“Социалист”-аас залхсан залуус хуралдана | News.MN

“Социалист”-аас залхсан залуус хуралдана

Хуучирсан мэдээ: 2010.09.15-нд нийтлэгдсэн

“Социалист”-аас залхсан залуус хуралдана

МАХН-ын Бага хурлын XII хурал­даан саяхан болж өндөрлөсөн. Уг хурлын үеэр тэд олон зүйл хэлэлцсэн ч түүнээс онцлох нь намынхаа нэрийг МАХН-Х=МАН болгох талаар ярилцсан. Мөн намын XXVI Их хурлынхаа товоо зарласан нь өөрийн на­мын залуучуудын холбоог хурал­дуу­лахад хүргэсэн байж болох. Ха­рин өнөөдөр тус намын дэр­гэдэх Монголын Ардчилсан социа­лист залуучуудын холбооны IV их хурал болно. Нам, намын дэр­гэ­дэх залуучуудын холбоо нь шинэ эрч хүч, эрүүл сэтгэлгээг бий болгох чин эрмэлзэл бүхий байгууллага хэмээн өөрийгөө тодорхойлдог. Хэдий харагдах байдлаасаа ингэж ойлгогдох боловч тогоон дотор нь арай өөр ашиг сонирхол үйлчилж, мэдрэгддэг нь нууц биш. Намын дэргэдэх залуучуудын холбоо нь дээд үеийнхнийхээ гараас зүүгдэж, улс төр рүү орох шат дамжлага болсон гэхэд хатуудахгүй. Тиймээс МАХН-д улс төрийн орон зай эрэлхийлсэн, карьер хөөсөн залуус хуралдах гэж байна. Их хурлаараа тэд МАСЗХ-ны үзэл баримтлал, үйл ажиллагаа, бүтэц зохион байгуулалттай холбоотой асуудлыг хэлэлцэхээр төлөвлөжээ. Мөн МАСЗХ нэрээ солих тухай ч яригдах юм. МАХН Бага хурлаараа нэрээ шинэчлэх талаар ярьж эхэлснээс хойш “дүү” нар нь хүртэл дагаад нэрээрээ оролдож эхлэв. Тэд ах нарынхаа үлгэр дуурайллын дагуу “нэр сольсноор бүх зүйл шинэчлэгдэнэ” гэх үзлийг дэмжиж буй. Мөн цаг үетэйгээ хөл нийлүүлэн алхахын тулд холбооныхоо нэрийг солих нь тохиромжтой хэмээн үзэж байгаа юм. Эх орныхоо эрх ашгийн төлөө залуучууд зүтгэх цаг нь иржээ. Тиймээс нэрээ сольж үйл ажиллагаагаа дахин шинээр эхлэх үүднээс залуус ийм шийдвэрт нэгдэж байгаа аж.  МАСЗХ-ны нэрийг өөрчилж, Эх оронч залуучуудын холбоо, Монголын үндэсний ард­чилсан залуучуудын холбоо, Нийг­мийн ардчилсан залуучуудын хол­боо болгох хэд хэдэн хувилбар яриг­даж буй. Харин үүнээс Мон­голын үндэсний ардчилсан за­луу­чуудын холбоо, Нийгмийн ард­чилсан залуучуудын холбоо хэ­мээх хоёр хувилбарт залуус сана­лаа олноор ирүүлээд байгаа аж. Бүсийн зөвлөлгөөнөөс хамгийн их санал авсан нэрээ Их хурлын төлөөлөгчдөдөө танилцуулж санал хураах байдлаар нэрээ шинэчлэх юм. Хэрэв шинэ нэр сонгож, шинэчилж чадахгүй байвал ах нарынхаа үйлдлийг харахад буруутахгүй. Учир нь МАХН-д “хувьсгалт” гэдэг үг саад болж, хуучны үзлийг сэргээж байна хэмээж байсан. Харин МАСЗХ-ныхны хувьд “социалист” гэдэг үг нь ардчилсан нийгмийн үед тэдэнд мөн саад болсон болохоор нэ­рээ ийнхүү өөрчлөх бодол төрсөн байж болох. Тиймээс ах нараа үлгэрлэн дуурайх нь зөв алхам ч байх юм бил үү. Ямартай ч ах дүүгийн барилдлагаар өсөн торниж буй энэ холбоо өөрийн нэрийг шинэчилж, өөрчлөх нь тодорхой юм.

МАСЗХ нь 60 мянга гаруй ги­шүүнтэй. Тус холбоонд гишүүд нь 35 нас хүртлээ гишүүнчлэлтэй байдаг. Харин холбооны одоогийн ерөнхийлөгч УИХ-ын гишүүн, Гадаад харилцааны сайд Г.Занданшатар МАСЗХ-ны дүрэмд заасан босгыг дав­сан учир халаагаа өгнө гэд­гээ эртнээс мэдэгдсэн. Харин да­раа­гийн ерөнхийлөгчөөр хэн сонгогдох нь залуусын дунд өрнөх “халуун” сэдэв болж буй. МАСЗХ-ны ерөнхийлөгчийг намынхаа дар­гын саналын дагуу сонгодог дотоод дүрэм­тэй. Тус холбооны ерөн­хийлөгч нь УИХ-ын гишүүн байх ёстой гэсэн хуульчилсан дүрмийн дагуу бол парламентын танхимаас ерөнхийлөгч тодрох магадлал өндөр. Гэхдээ насны хувьд УИХ дахь МАХН-ын залуу гишүүдээс хэн нь ч өнөөдөр 35 наснаас хол давсан байна. Харин дараагийн арга нь УИХ-ын гишүүн бус залууг томилох тухай юм. Одоогийн байд­лаар хэнийг сонгох талаар хэд хэ­дэн хувилбар дэвшүүлж байгаа су­раг­тай. Үүнд нийслэлийн Засаг даргын орлогч Б.Мөнхбаатар, “Улаан­баатар зочид буудал” ХК-ийн захирал Б.Мөнхтүшиг нарын нэр яригдаж буй бололтой. Гэхдээ өнөөд­рийн хурлаар гэнэтийн шийд­вэр гарахыг үгүйсгэхгүй. Ярьж, ярил­цаж байснаасаа огт өөр, шинэ хувил­барыг өнгөрсөн шөнө МАХН-ын удирдлагууд хэлэлцэж, тохирсон байж ч болох юм. Чухам хэн намын удирдлагуудынхаа анхаарлыг та­таж, улс төрийн карьер хөөх суудалд тухлахыг удахгүй харах нь. Мөн МАСЗХ хурлынхаа үеэр дэд ерөнхийлөгчдөө солих тухай яригдаж магадгүй. Дэд ерөн­хийлөгчид Ш.Отгонбилэг агсны хүү О.Содбилэг, “Өндөр буянт” ХХК-ийн захирал Төмөрхүү, Ерөнхий сайдын зөвлөх Г.Өнөрбаяр, Чингэлтэй дүүр­гийн Засаг даргын орлогч Баяр­магнай зэрэг залуусын нэр сонсогдож байна. Дээрх залуусыг МАСЗХ-г эдийн засгийн хувьд бэх­жүүлнэ, үзэл баримтлал үйл ажил­лагааны цар хүрээг өргөжүүлнэ хэ­мээн нэлээд найдсаны үндсэн дээр “сойж” буй биз. Мэдээж МАХН-ын удирдлага өөрсдийнх нь  итгэлийг даах, гар хөлийн үзүүрт зарагдчих чих зөө­лөнтэй хүнийг сонгох нь тодор­хой. Харин хэн байж болох вэ.

Н.ЭНХЦЭЦЭГ

Зохиогийн эрх: "Улс төрийн тойм" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

pambaga.net 2010-09-15 202.70.42.42

МАХН=Монголыг анхнаасаа хулхидсан нам
АН=Арчаагүй нам
ИЗН=Ирээдүй нь замхарсан нам
НН=Найдваргүй нам
БНН=Бүлт наадаг нам
АТН=Ардаараа тоглосон нам

МАСЗХ=Монголын авилгал сонирхогчдын холбоо
АЗХ=Арчаагүй залхуу холбоо

Avatar

Зочин 2010-09-15 122.254.127.34

КОммунист залуучуудын байгууллага байгуулахаа мэдэгдэхгүй юм байх даа

Avatar

Зочин 2010-09-15 202.55.183.218

fucking MASZX kommunist

Avatar

Зочин 2010-09-15 202.55.183.218

hahaha
goyo hellee

Avatar

Зочин 2010-09-15 202.55.183.218

Mongoliin Avilgal Sonirhogch Zaluuchuudiin Holboonii ih hurald amjilt husye

Avatar

өөрчлөлт нь өөрөө байя залуусаа 2010-09-15 180.149.65.146

өөрчлөлт нь өөрөө байя залуусаа

Avatar

zochin 2010-09-15 182.160.43.73

talbai deer bolson snovuunii mongo haanaas garav zarim ni olsoj uhej bn communistuud bolioch ardchilal gedeg yg aluurchdad zohihgui

Avatar

zochin 2010-09-15 182.160.43.73

talbai deer bolson snovuunii mongo haanaas garav zarim ni olsoj uhej bn communistuud bolioch ardchilal gedeg yg aluurchdad zohihgui

Avatar

zochin 2010-09-15 182.160.43.73

talbai deer bolson snovuunii mongo haanaas garav zarim ni olsoj uhej bn communistuud bolioch ardchilal gedeg yg aluurchdad zohihgui

Avatar

Зочин 2010-09-15 202.55.182.82

Chimidtseren tumengerel surenhoriin holboo yun ih oorsdiigoo bichuuldiim be dee Hu nam udaan ch gsn nam bolj tolovshih bh ta nar harin iluu huuchin haragdaj bn Otgonbiligiin huu iimerhuu yumnaas hol yavbal oort ni

Avatar

Монгол хүн бичлээ 2010-09-15 182.160.33.189

НАСААРАА БУСДААС БУДАА ИДЭЖ ОРШИЖ ИРСЭН НАМ ӨВГӨРӨӨД ЗӨНӨЖ БАЙГАА НЬ ЭНЭ 1924 ОНД УЛААН ОРОСЫН БУДАА ИДЭЖ АМЬ ОРООД 65 ЖИЛ БУСДЫН БУДАА ИДЖЭЭ ХӨӨРХИЙ 1990 ОНООС ХОЙШ АРДЧИЛСАН ХҮЧНЭЭС БУДАА ИДСЭЭР ӨНӨӨГ ХҮРЭВ ХУ НАМ ЯГ ӨӨРСДӨӨ ЮУ БОДОЖ БҮТЭЭСЭН БЭ БУДААНЫ ХУУЛБАРААС ӨӨР ЗҮЙЛ ХИЙСЭНГҮЙ ТЭГЭХЭЭР НАМЫН ГИШҮҮД НЬ ТОЛГОЙГОО СОЛЬСНЫ ДАРАА НАМЫН НЭРЭЭ СОЛИХ НЬ ДЭЭР БАЙХ ТОЛГОЙГОО СОЛИХГҮЙ НЭРЭЭ СОЛЬВОЛ МАХны ХУлгайч нар хэвээрээ л байх болно доо

Avatar

Зочин 2010-09-15 119.40.100.98

Нэрээ өөрчилж байхаар өөрсдийгөө өөрчилөх хэрэгтэй

Avatar

Зочин 2010-09-15 119.40.100.98

Нэрээ солилоо гээд ямар өөрчлөлт гарах юм бэ Асуудлын гол нь намын нэрэндээ биш өөрсдөдөө байгаа биз дээ

Avatar

Зочин 2010-09-15 116.12.146.210

ded eronhiilogchid ni dajgvi zaluuchuud boloh ni deevneheer yum hiij medeh yum baianharj l baiy daa

Avatar

zaluu kommunistuud 2010-09-15 61.135.11.2

Zaluu komunistuud aa ta naryn ue ungursun Komunism Stalintaigaa tsug bulshind orosn shu dee

Avatar

Зочин 2010-09-15 220.98.134.126

Erh chuluutei baij bolno Humuujil soyoltoi baih heregtei Tur zasgaas humuusee hugjuulj soyoltoi humuujiltei bolovsroltoi bolj Huchirhiileliin esreg bugdeeree temtsej baih heregtei

NewsMN Гар утасны хувилбар Татах
NEWS.mn

Мэдээллийн эх сурвалж