Ирэх сарын 1-ээс төрийн албан хаагчдын цалин, өндөр настны тэтгэвэр тэтгэмжийг нэмэхээр Засгийн газар амласан. Цалин нэмэх журмын төслийг Нийгмийн хамгаалал хөдөлмөрийн яам маргааш Засгийн газарт өргөн барихаар болжээ. Сангийн яамны зүгээс цалин тэтгэврийг нэмэгдүүлэх 78 тэрбум төгрөг бэлэн болсон гэж байгаа. Цалинг хэрхэн нэмэх талаар маргааш болох хуралдаанаар Засгийн газар, Сангийн яам, НХХЯ-ны холбогдох албаны хүмүүс  хэлэлцэн шийдвэрлэх юм байна.

С.Отгон