Хөвсгөл нуурт осолдсон 28 настай иргэн А-гийн цогцсыг хайх ажиллагаа үргэлжилж байна. Улаанбаатар хотоос амралтаараа ирсэн дөрвөн иргэн нуурт завиар явж байгаад завь нь хөмөрчээ. Энэ үед иргэд бүгд аврах хантаазтай явж байсан хэдий ч иргэн А ор сураггүй алга болоод одоо болтол түүнийг хайх ажиллагаа үргэлжилж байна.

Хайх ажиллагааг тус аймгийн онцгой байдлын хэлтсийн гамшгаас хамгаалах хяналтын улсын байцаагч шадар ахмад Т.Хашцагаанаар ахлуулсан найман хүний бүрэлдэхүүнтэй баг гүнд шумбах багаж хэрэгсэлтэйгээр тус газар ажиллаж байна. Усны гүн тэр орчимд 50-60 м, 20 м-ээс доош харанхуй болдог тул хайх ажиллагаа явуулахад бэрхшээлтэй байгаа тул ОХУ-ын Иркутскийн аврах тусгай ангид туслах хүсэлтийг ар гэрийхэн нь хүргүүлжээ. Хүсэлтийг хүлээн авч ОХУ-ын аврах тусгай ангийхан ирж хамтран ажиллахаар болжээ.