Хэнтий аймгийн хэмжээнд энэ жил нийт 125 мянган тонн өвс, 210 тонн ногоон тэжээл, 450 тонн үйлдвэрийн тэжээл, 100 тонн гар тэжээл бэлтгэхээр төлөвлөжээ. Харин өнгөрсөн долоо хоногийн байдлаар 81 мянга гаруй тонн хадлан, 30 гаруй тонн тэжээл, 20 гаруй тонн үйлдвэрийн тэжээл, 50 шахам тонн гар тэжээл бэлтгээд байна. Мөн аймгийн нөөцөд 10 тонн, сумдын нөөцөд 200 гаруй тонн өвс бэлтгэжээ. Хадлан тэжээл бэлтгэх ажилд гурван мянга шахам тариаланчид, иргэд оролцож нийт техникийнхээ хүчин чадлын 81 хувийг ашиглаж байна.

Хэнтий аймаг арав шахам мянган га талбайд тариалсан бөгөөд одоогийн байдлаар, нэг мянга шахам га талбайн ургацыг ангилж, 150 га талбайг цайруулж, 50 га талбайд шууд хураалт хийж, 200 тонн ургац хураан аваад байгаа аж.