Монгол Улс байнгын ажиллагаатай парламенттай болсны 20 жилийн ой энэ өдрүүдэд тохиож байна. Өдгөөгөөс яг 20 жилийн өмнө буюу 1990 оны есдүгээр сарын 12-ны өдөр анхны байнгын ажиллгаатай парламент болох Улсын Бага Хурлын гишүүд тангаргаа өргөж үйл ажиллагаагаа эхлүүлэн байнгын хороодоо зохион байгуулж байжээ. Анхны Улсын Бага Хурал 56 гишүүнтэй, МАХН, МоАХ, МҮДН, МСДН зэрэг намын төлөөлөлтэй байв.

Хэдийгээр өнөөдөр ойн өдөр боловч Төрийн ордонд ямар нэг үйл ажиллагаа болсонгүй. УИХ-ын намрын чуулганы нээлтийн дараа ирэх аравдугаар сарын эхний хагаст ойг албан ёсоор тэмдэглэж хүндэтгэлийн чуулган хуралдуулахаар болоод байна.

Д.ОЮУН