“Microsoft” iPhone, Blackberry-г оршуулав | News.MN

“Microsoft” iPhone, Blackberry-г оршуулав

Хуучирсан мэдээ: 2010.09.13-нд нийтлэгдсэн

“Microsoft” iPhone, Blackberry-г оршуулав

Microsoft корпораци Windows Phone 7 смартфоноо тун удахгүй зах зээлд борлуулж эхлэх гэж буйтай холбогдуулан энэ зах зээлд дэлхийд тэргүүлэгч Apple компанийн iPhone болон RIM компанийн Blackberry смартфоныг сүүлийн замд нь үдэх ёслол зохион байгуулж, шуугиан тариад байна.

Windows Phone 7 смартфоны өнгө төрх бүхий хувцастай Microsoft-ын ажилтнууд асар том хэмжээтэй дуураймал iPhone болон Blackberry-г барьж, гудамжаар оршуулгын ёслолын байдалтай тус хоёр гар утсыг сүүлийн замд нь үджээ. Түүнчлэн Microsoft-ын цоо шинэ бүтээл  Windows Phone 7 дээр дурдсан хоёр смартфоныг зах зээлээс шахан гаргаж, бүрэн утгаар нь “булшилж” чадна гэдгийг илэрхийлж, “триллер” бүжиг бүжиглэсэн гэнэ.

Харин Microsoft-ынхон Google-ийг өрсөлдөгчөө гэж үзэхгүй байгаа бололтой. Оршуулах ёслолд Google-ийн алдарт Android үйлдлийн системтэй смартфон харагдахгүй байв.

Дашрамд сонирхуулахад, Microsoft корпораци ирэх аравдугаар сарын 11-нд Windows Phone 7-г худалдаанд гаргахаа зарлаад байгаа юм.

Зургийн цомгийг ЭНД дарж үзнэ үү.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-09-13 202.70.33.212

amjihgui ed nar utas bol utas microsoft tsaashaaa

Avatar

Зочин 2010-09-13 206.53.152.10

Ene utas n tegeed Blackberry shig nuuclal saitaiiphone shig zagvar saitai baij chadahuuooroo denduu ongirch baij nam daruulah vii deemanaid turuulj ali mobile company oruulj ireh boloo

NewsMN Гар утасны хувилбар Татах
NEWS.mn

Мэдээллийн эх сурвалж