Украин улс дрон саатуулах технологи болон бусад салбарт Японтой хамтран ажиллах хүсэлтэй байгаагаа илэрхийлжээ. Японы Батлан хамгаалахын сайд асан бөгөөд эрх баригч Либерал ардчилсан намын гишүүн Ицүнори Онодэра энэ долоо хоногт Киевт айлчилж, Украины ерөнхийлөгч Зеленский болон бусад албаныхантай уулзсан. Энэхүү уулзалтын дараа Ицүнори Онодэра тус мэдэгдлийг хийжээ.

Япон улс энэ оны эцэс гэхэд үндэсний аюулгүй байдалтай холбоотой гол баримт бичгүүдээ шинэчлэхээр төлөвлөж буй. Тус улс дрон болон хиймэл оюун ухааныг батлан хамгаалах салбарт илүү өргөнөөр ашиглах зорилт тавьсан. Энэ цаг үед Киевийн айлчлалаас олж авсан мэдээлэл нь маш их ач холбогдолтой байсныг Онодэра онцолжээ.

Зеленский "Х" хаягааараа жиргэхдээ "Япон зэрэг түнш орнуудын төлөөлөгчид Украинд ирж, энд юу болж байгааг өөрсдийн нүдээр харж, биеэр мэдрэх чухал. Японоос Украинд үзүүлж буй эдийн засгийн болоод хүмүүнлэгийн дэмжлэгийг бид талархан хүлээж авдаг. Мөн хоёр орны харилцааны өнөөгийн түвшнийг өндрөөр үнэлдэг" гэжээ.