Холливудын жүжигчин Жим Керри өөрөөсөө 32 насаар дүү найз бүсгүй Мин Атайгаа гэрлэжээ. Энэ нь Жим Керригийн гурав дахь хурим бөгөөд өмнө нь Мелисса Вомер, Лорен Холли нарын жүжигчин эмэгтэйчүүдтэй гэрлэж байв. Мөн тэрбээр жүжигчин Рене Зеллвегертэй сүй тавьсан ч гэрлээгүй.

Жим Керри, Мин А нар Лос Анжелес хотод ойрын хүрээллийнхэн дундаа сүр дуулиан багатай хурим хийсэн гэдгийг шар хэвлэлүүд өнгөрсөн долоо хоногт мэдээлжээ.

Мин Аг солонгос гаралтай гэдэг ч түүнийг нь албан ёсоор баталсан зүйл үгүй. Жим Керри, Мин А нар 2022 онд болзож эхэлсэн ч харилцаагаа хүмүүс ихээхэн нуусаар иржээ. Тэд энэ оны хоёрдугаар сард Парис хотод болсон Сезарын шагнал гардуулах ёслолын үеэр анх удаа хамтдаа олны өмнө гарсан байна. Жим Керри уг арга хэмжээнээс шагнал хүртсэн бөгөөд энэ үеэрээ үг хэлэхдээ Мин Аг олон нийтийн өмнө дурджээ. Тэрбээр Мин Аг өөрийнхөө гайхамшигт хамтрагч гэж нэрлээд, хайртай гэдгээ хэлсэн байна.

Жим Керри 1962 онд төрсөн. Тэрбээр 1987 онд жүжигчин Мелисса Вомертой гэрлэж, Жейн Керри нэртэй охинтой болсон. Харин Лорен Холли нь Жим Керритэй “Dumb and Dumber” кинонд хамтран тоглосон жүжигчин юм.