Монгол Улсад 2025-2026 оны хичээлийн жилд бүх шатны боловсролын байгууллагад нийт 56.8 мянган үндсэн багш ажиллаж байна. Боловсролын яамны мэдээллээр сургуулийн өмнөх боловсролын байгууллагын нэг багшид дунджаар 25.1 хүүхэд, ерөнхий боловсролын сургуулийн нэг багшид 21 сурагч ногдож байгаа аж.

Энэ өдөр дэлхийн багш нарын хөдөлмөр, боловсролын салбарт оруулж буй хувь нэмрийг үнэлэн тэмдэглэдэг. ЮНЕСКО-оос 1994 онд жил бүрийн 10 дугаар сарын 5-ны өдрийг “Дэлхийн багш нарын өдөр” болгон зарласнаар дэлхий нийтээр энэ өдрийг тэмдэглэж эхэлсэн түүхтэй.

Монгол Улс ч мөн энэ өдрийг тохиолдуулан багш, сурган хүмүүжүүлэгчдийн хөдөлмөр, нийгэмд гүйцэтгэж буй үүргийг онцлон тэмдэглэж байна.