Acer компани 3D дүрслэлийг дэмжиж ажиллах NVidia-гийн технологийг нэвтрүүлсэн Aspire 5745DG загварын зөөврийн компьютераа танилцуулсан байна. 15,6 инч LED дэлгэцтэй уг лэптоп нь NVidia компанийн 3D Vision glasses технологитой бөгөөд ямар ч видео эсвэл DVD-ний 2D дүрслэлийг 3D руу шилжүүлэх боломжтой юм.

Бусад үзүүлэлтийн тухайд Acer Aspire 5745DG нь Intel Core i7, i5, i3 процессортой, GeForce GT 425M видео карттай, 16GB хүртэлх DDR3 RAM-тай, хатуу дискний багтаамжийг өөрийн сонголтоор авч болохоос гадна Blu-ray диск уншигчтай гэнэ. Мөн өөрөө дээр байрласан вэб камертай, Wi-Fi, Bluetooth холболттой юм байна.