"Айчи Нагоя 2026" Азийн наадмын жүдо бөхийн тэмцээн өнөөдөр/2026.09.30/ эхэллээ. Тэмцээний эхний өдөр эрэгтэйчүүдийн -60 кг, -66 кг, эмэгтэйчүүдийн -48 кг, -52 кг-ын барилдаанууд тус тус болно.
ГЭРЭЛ ЗУРГИЙГ Ч.ГАНБАТ /MSPU/
К.Ёолк Азийн наадмын аварга боллоо

"Айчи Нагоя 2026" Азийн наадмын Монголын анхны алтан медалийг К.Ёолк авчрав. Тэрбээр жүдогийн эрэгтэйчүүдийн -66 кг-ын финалд Узбекистаны Нутфуллоев Абдурахимыг ялжээ.
Г.Наранцэцэг хүрэл медаль хүртлээ
Эмэгтэйчүүдийн -48 кг: Найман жилийн өмнө Азийн наадмын самбо бөхийн төрөлд алтан медаль хүртэж байсан Г.Наранцэцэг энэ жил жүдогийн төрөлд хүрэл медаль хүртлээ.
Тэрбээр хүрэл медалийн төлөөх барилдаанд Энэтхэгийн Асмита Дэйг ялсан юм.
К.Ёолк Азийн наадмын финалд шалгарлаа

Эмэгтэйчүүдийн -52 кг: Б.Уранзаяа хагас шигшээд Узбекистаны Сита Кадамбоеватай барилдаж, нэмэлт цагт үнэлгээ алдаж, хүрэл медалийн төлөө барилдахаар боллоо. Угтаа Б.Уранзаяа өрсөлдөгчөө хоёр торгуулж, илүү байсан юм.
Эрэгтэйчүүдийн -66 кг: К.Ёолк хагас шигшээд Казахстаны Гусман Киргизбаевыг ялж, финалд шалгарлаа.
Г.Наранцэцэг хүрэл медалийн төлөө барилдана
Эмэгтэйчүүдийн -48 кг: Г.Наранцэцэг хагас шигшээд Японы Мицүки Кондод ялагдлаа. Ийнхүү тэрбээр хүрэл медалийн төлөө Энэтхэгийн Асмита Дэйтэй барилдахаар боллоо.
Э.Ариунболд дагах барилдаанд ялагдлаа
Гавьяат тамирчин Э.Ариунболд дагах барилдаандаа Тажикстаны Лоик Кудбудиновтой барилдаж, ялагдсанаар ганцаарчилсан төрлийн тэмцээнээ өндөрлүүллээ.
К.Ёолк Азийн наадмын хагас шигшээд шалгарлаа

Эрэгтэйчүүдийн -66 кг: К.Ёолк хэсгийн аваргын төлөө дэлхийн аваргын мөнгө, Азийн аваргын алттай Тажикстаны Нурали Эмомалитай барилдаж, вазари үнэлгээгээр яллаа. Ийнхүү тэрбээр Азийн наадмын хагас шигшээд шалгарав.
Тун удахгүй түүний дараагийн өрсөлдөгч тодорно.
Б.Уранзаяа хэсгийн аварга боллоо

Эмэгтэйчүүдийн -52 кг: Б.Уранзаяа эхний тойрогтоо гоц мөргөж, хоёрдугаар тойрогтоо Тажикстаны Мадинаг иппон үнэлгээгээр ялж, хэсгийн аварга боллоо. Ингэснээр тэрбээр хагас шигшээд Узбекистаны Сита Кадамбоеватай учраа таарав.
Э.Ариунболд дагаж барилдана

Эрэгтэйчүүдийн -60 кг: Дэлхийн аваргын мөнгөн медальт Э.Ариунболд хэсгийн аваргын төлөө олимпын аварга Казахстаны Елдос Сметовтой барилдаж, даралтаар иппон үнэлгээгээр дийлдлээ.
Ингэснээр тэрбээр дагах барилдаанд Тажикстаны Лоик Кудбудиновтой барилдана.
Г.Наранцэцэг хэсгээ тэргүүллээ

Азийн наадмын жүдо бөхийн эмэгтэйчүүдийн -48 кг-д өрсөлдөж буй Г.Наранцэцэг эхний тойрогтоо гоц мөргөж, хоёрдугаар тойрогтоо Тажикстаны Ахлия Муминоваг ялснаар хэсгээ тэргүүллээ.
А хэсгийг тэргүүлсэн Г.Наранцэцэг хагас шигшээд ийнхүү шалгарч байна.
Э.Ариунболд, К.Ёолк нар эхний ялалтаа авлаа

Эрэгтэйчүүдийн -60 кг-д өрсөлдөж буй дэлхийн аваргын мөнгөн медальт Э.Ариунболд эхний тойрогтоо гоц мөргөж, хоёрдугаар тойрогтоо Индонезийн Мухаммеад Рижи Мауланаг яллаа. Ингэснээр хэсгийн аваргын төлөө олимпын аварга Казахстаны Елдос Сметовтой барилдана.
Эрэгтэйчүүдийн -66 кг-д өрсөлдөж буй К.Ёолк эхний тойрогтоо гоц мөргөж, хоёрдугаар тойрогтоо Афганистаны Хикматулла Рахманиг яллаа. Тэрбээр хэсгийн аваргын төлөө Тажикстаны Нурали Эмомалитай барилдана.
3,600.44





























































Зочин 2026-09-30 66.181.176.244
Баяр хүргэе!
Нэргүй 2026-09-30 202.9.40.244
К.Ёолк маш сайн байлаа. Одооноос олимпын наадамдаа бэлтгэж олимпоос медаль авч Монгол түмнээ баярлуулах цаг нь болжээ. 60 кг-ын жинд залуу хүнээ яагаад явуулахгүй бас Ариунболд тэдэнд яагаад зайгаа тавьж өгөхгүй байна вэ. Ард түмэн үр дүн хүснэ. Ариунболд болохоор улсын зардлаар зугалахаа боддог байж болохгүй. Жудод японоос дасгажуулагч багш авах цаг нь болжээ.
Зочин 2026-09-30 59.153.115.9
Ёолк сайн байна аа, энэ эрчээрээ бол ч ДАШТ-д хоосонгүй ээ, хоёр эмэгтэй ч боломжоороо л сайн үзлээ, харин тэр 60-ын хулхи гавьяатыг одоо хөөгөөд ч болов гавьяаных нь амралтанд гаргахаас өөр аргагүй болжээ
Нэргүй 2026-09-30 64.119.26.100
ариунболдоос өөр хүн байхгүй юмуу. Байнга шал арчих юм.
Зочин 2026-09-30 59.153.115.9
Энэ Ариунболд гээч нөхөр яаж гавьяат болсон нь нь сонин, гавьяат гэхэд хэцүү л гар шиг санагдах
зочин 2026-09-30 66.181.166.196
Ээ, энэ шалны алчуур одоо болтол ноцолдсоор л байгаа юм уу, өөр олигтойхон юм байдаггүй л юм байх даа