Өмнөд Солонгосын ерөнхийлөгч И Жэ Мён Мексикт төрийн айлчлал хийж байна. Түүний айлчлал өнгөрсөн Пүрэв гаригт /2026.09.24/ эхэлсэн бөгөөд өнөөдөр /2026.09.27/ өндөрлөх юм.

Тэрбээр айлчлалынхаа үеэр Мексикийн нийслэл Мехико хотын "GNP Seguros" цэнгэлдэх хүрээлэнд болсон "Stray Kids" хамтлагийн тоглолтыг үзжээ. Тус хамтлагийн “God’s Menu” дууг дуулж буй есөн секундын бичлэгээ И Жэ Мён "Х" хуудсандаа нийтэлсэн байна. Мөн тэрбээр "К-поп дэлхий даяар тархаж, солонгос соёлыг таниулж буйг үнэхээр мэдэрлээ" хэмээгээд "Stray Kids"-ийн харьяалагддаг агентлагийг үүсгэн байгуулагч Ж.Ю.Паркт талархал илэрхийлсэн байна.

Тоглолтын өмнө И Жэ Мён Мехико хотын Солонгос хоолны төв гэгддэг Зона Роса дүүрэгт зочилж, к-поп сонирхогчидтой уулзжээ. Мөн тэдэнд Өмнөд Солонгост үйлдвэрлэсэн гоо сайхны бүтээгдэхүүн болон солонгос хүнс бэлэглэснийг Ерөнхийлөгчийн олон нийттэй харилцах алба мэдээлэв.

Дашрамд дурдахад, Өмнөд Солонгосын "Stray Kids" хамтлаг Мехико хотод тоглолт хийхээсээ өмнө Латин Америкийн аялан тоглолтын хүрээнд Колумб, Бразил, Аргентин зэрэг оронд тогложээ.