Ардчилсан намын "4/11 мэдээллийн цаг" ээлжит хэвлэлийн хурал өнөөдөр /2026.09.24/ боллоо.
Өнгөрсөн хугацаанд Ардчилсан намын бүлэг болон Ардчилсан намаас хоёр үндсэн шаардлага тавьж байгаа. Нэгдүгээрт, Ерөнхий сайдад итгэл үзүүлэх асуудлыг оруулж ирж, чуулган дээр төсвийн бодлогоо авч гарах шаардлага тавьсан. Хоёрдугаарт, хэрэг наймаалцсан болон бусад олон асуудалд холбогдсон С.Амарсайхан сайдыг чөлөөлөх шаардлага тавьсан. Энэ шаардлага биелсэн. Харин дараагийн шаардлагууд үргэлжилж байгаа. Өнөөдөр бид ногдол ашиг болон төсвийн бодлоготой холбоотой мэдээлэл өгнө гэдгийг АН-ын нарийн бичгийн дарга Г.Лхагвадорж хурлын эхэнд мэдээлэв.
УИХ-ын гишүүн Г.ГАНБААТАР:
-Сүүлийн үед эрх баригч намын дарга болон УИХ дахь МАН-ын бүлгийн даргын зүгээс ирэх онд Оюу толгойгоос орж ирэх ногдол ашгаас хоёр их наяд төгрөгийг аймгуудад зарцуулах тухай ярьж байна. Мөн авлигын асуудалд холбогдсон хүмүүс нь шоронд орох гэж байгаа станцыг барьж дуусгах, дулааны 6 дугаар цахилгаан станцад зарцуулах тухай ярьж эхэллээ.
Энэ бол хууль зөрчсөн үйлдэл. Нөгөө талдаа 2024 оны дөрөвдүгээр сарын 19-нд батлагдсан Үндэсний баялгийн сангийн тухай хуулиар төрийн өмчит компаниудын ногдол ашиг зөвхөн хуримтлалын данс буюу иргэдийн нэрийн дансанд бичигдэх ёстой. Энэ хэмжээний мөнгийг иргэдийн нэрийн дансанд бичих юм бол нэг иргэнд ойролцоогоор 835 мянган төгрөг ногдох боломжтой.
Гэтэл хууль зөрчиж, иргэдийн халаасанд орох ёстой мөнгөөр үндсэндээ хулгайн төслүүдээ санхүүжүүлэх тухай ярьж байгаа нь увайгүй үйлдэл. Улс орны засаглал ямар байгаа билээ, сүүлийн үед эрх барьж байгаа намын хулгай ямар байгаа билээ гэдгийг иргэд харж байгаа. Иргэдийн халаасанд байх ёстой мөнгийг Үндэсний баялгийн сангийн тухай хуулийг зөрчин, хулгайн төслүүдийг санхүүжүүлэхэд зарцуулах гэж байгааг Ардчилсан нам эрс буруушааж байна.
10 аймгийн төвийн дулаан хангамжийг сайжруулах төслийг явуулах нь зүйтэй. Гэхдээ иргэдээс санал авахгүйгээр энэ их хэмжээний мөнгийг хууль зөрчин санхүүжүүлж байгаа нь буруу.
УИХ дахь АН-ын бүлгийн зөвлөх А.БАТПҮРЭВ:
-Та бүхэн мэдэж байгаа. Ерөнхий сайд сүүлийн үед зах, худалдааны төвүүдээр явж, “Би ард түмэндээ мөнгө өгөх гэсэн чинь Ардчилсан нам харамлаад байна” гэж яриад байгаа. Үнэн хэрэгтээ юу болж байна вэ гэхээр Ардчилсан намын бүлэг ард түмний мөнгийг Засгийн газраас хамгаалах ажил хийж байна. 2026 оны төсвийн тодотголд нийтдээ 20 орчим хууль тогтоомжид нэмэлт, өөрчлөлт оруулах, шинэ хууль батлах зэрэг асуудал орж ирсэн. Үүний дотор “энэ зүйл болохгүй байна” гээд хуруу дараад тоолохоор олон асуудал бий. Тоймлоод хэлбэл, нэгдүгээрт, Г.Ганбаатар гишүүний хэлсэнчлэн, одоо байгаа хуулийн хүрээнд Оюу толгой болон бусад компаниас орж ирэх ногдол ашгийг Хуримтлалын санд иргэн бүрийн нэр дээр 835 мянган төгрөгөөр хадгалах боломжтой. Улмаар гурван жилийн дараагаас боловсрол, эрүүл мэнд, ипотекийн зориулалтаар ашиглах боломжтой энэ мөнгийг нэг удаагийн хууль гаргаж, Засгийн газар өөрөө зарцуулъя гэж байна. Урьд өмнө бүтэлгүйтсэн, үрэн таран хийж, авлигачдын гарын салаагаар урссан төслүүдийг дахиад санхүүжүүлэх гэж байгааг бид эсэргүүцэж байгаа. Хоёрдугаарт, өнгөрсөн хавар УИХ-аас шийдвэр гаргаж, суурь тэтгэврийг нэмсэн, мөн зарим салбарын цалинг нэмсэн. Харин энэ удаагийн төсвийн тодотголд шинэ нэмэгдлийн тухай асуудал биш, зөвхөн 2027 оны нэгдүгээр сард нэмэгдэх цалин, тэтгэврийн нэмэгдлийг хоёр сарын өмнө буюу арваннэгдүгээр сард нэмэхээр тусгасан байна. Энэ бол хариуцлагагүй төсвөө гоё харагдуулах гэсэн увайгүй заль.
Гуравдугаарт, зардлын тэлэлтийг Засгийн газрын өрийг нэмэгдүүлж санхүүжүүлэх гэж байна. 2026 оны төсвийн тодотгол болон 2027 оны төсвөөр нийтдээ 21 их наяд төгрөгийн нэмэлт өр бий болгох гэж байна.
Дөрөвдүгээрт, төсвийн алдагдал нэмэгдэж байна. Энэ алдагдлыг хязгааргүй нэмэх санаатай байгаа. Төсвийн тодотголуудыг дагаад Төсвийн тогтвортой байдлын тухай хуульд нэмэлт, өөрчлөлт оруулж, төсөв болон суурь тэнцэл ашигтай байх ёстой гэсэн тусгай шаардлагыг байхгүй болгох гэж байна. Тавдугаарт, өнгөрсөн хугацаанд Ерөнхий сайдын гэр бүлийн сургууль, цэцэрлэгүүд төсвөөс 8.3 тэрбум төгрөгийн санхүүжилт авсан байна гэдгийг шилэн дансны мэдээлэл харуулж байна. Энэ тодотголд дахиад Ерөнхий сайдын ээжийнх нь сургууль, цэцэрлэгт 3.5 тэрбум төгрөгийн зардал олгох асуудал туссан гэх баримтууд гарч ирсэн. Үүнд хууль ёсны ямар нэгэн няцаалт хийгдээгүй. Цаашилбал, бүлэг дээр танилцуулсан Сангийн яамны мэдээллээр энэ мөнгийг нэр бүхий сургуулиудад аль хэдийн зарцуулж эхэлчихсэн юм биш үү, энэ тодотголоор зөвхөн баталгаажуулж, хуульчлах гэж байгаа юм биш үү гэдэг асуудал яригдаж байгаа гэлээ.
3,600.44






















































Гутраад бнаа Монголд нэг л .............. 2026-09-24 202.70.38.250
Дайны бөмбөгдөлтөнд өртсөн юм шиг ноохойросн УБ хотыг ямар хүмүүс удирддаг бол ?? УБ хотын бүх юм нь хаа сайгүй л замбраагүй зохион байгуулалтгүй хог шороо тоосондоо дарагдсан аймшгийн хот………..тав тухгүй сэтгэл ханамжгүй гутармаар
ХУУЛЬЧ 2026-09-24 202.9.46.246
АРДЧИЛАГЧИД 1990 ОНООС УХАРЧ МОНГОЛД 1930 ОНЫ КОММУН БАЙГУУЛАХ ХЭРЭГҮЙ .ТҮҮНИЙ ОРОНД ХҮНИЙ ЖАМ ЁСНЫ ТӨРТ ЁСТОЙ, ХҮМҮҮЛЭГ АРДЧИЛСАН НИЙГЭМ НИЙГЭМ БАЙГУУЛ .
MAH 2026-09-24 202.179.26.48
XYLGAICHDAA SONGO
Нэргүй 2026-09-24 64.119.16.62
Төсвийг албаар алдагдалд оруулдаг төрийн албан хаагчид нь АНУ-ын ба Ардчилсан намын нохойгоор ажилладаг
Зочин 2026-09-24 64.119.27.100
юмны үнэ өснө. наад мөнгөөрөө v, vi-р цахилгаан станцаа барь. эсвэл өвөр хангай хүртэл төмөр үам бариа.
иргэн 2026-09-24 202.133.76.40
Иргэдэд очих ёстой ноогдол ашиг бол заавал л дансанд орох ёстой. Энэ бол шударга л шаардлага. Хэн нэг эрх мэдэлтэн таньд өгөхгүй тийм төсөлд зарцуулсан гээд л үрээд байж болохгүй л дээ. Энэ Улс төслөө хэрэгжүүлэх санхүүжилтээ бий болгох, зарцуулалтаа зөв болгох зөндөө л гарцтай. Харин Улс төрч баян, Иргэн ядуу нийгмийг бол бүтээж болохгүй. Үнэн л зүйл хэлж байна.
сонгогч 2026-09-24 202.9.46.9
Оюу толгойгоос орж ирэх ногдол ашгаас нэг иргэнд ноогдох 835 мянган төгрөгийг өгөхгүй бол иргэд Болдбаатарын тоглолтыг үзсэн шиг талбай дүүрэн жагсаж эсэргүүцэх болов уу гэж бодож байна….
Нэргүй 2026-09-24 202.126.89.71
зайлаа үлээж бүлтэрсэн юу ч чадахгүй мэдэхгүй зданууд
зочин 2026-09-24 202.179.24.52
ҮНЭХЭЭР МОНГОЛ УЛСЫН ТӨЛӨӨ БАЙСАН ЮМ УУ? АМАРСАЙХАНЫГ ЯАСАН ГЭЖ ОГЦРУУЛАВ??? ЯМАР ХУУЛЬ НАЙМААЛЦАВ??? ЭНЭ ЧИНЬ ТАНАЙ НАМЫН РЭЙТИНГИЙГ НАВС УНАГААД БАЙНА. УГААСАА Ч ЭЭБИЙ БАЯРЦОГТ БАТҮҮЛ САЙХАНБИЛЭГ ГЭЭД ТАНАЙ НАМ УГААСАА НЭР Ч БАЙХГҮЙ. МУУ ДЭЭРЭЭ УЛЦАН ГЭЖ ЮМ ХИЙХ ГЭЭД БГА САНААТАЙ ЮМ БОЛ ТОЛГОЙГОО АЖЛУУЛ!!!
отгоо 2026-09-24 202.9.47.91
нөгөө өөрчлөнө гээд яриад байсан юу болсон бз ? таг
Нэргүй 2026-09-24 103.212.116.154
Хэн ч танихгүй, олигтой хариуцлагатай төр, хувийн хэвшилд ажиллаж үзээгүй ҮЛ ТАНИХ ийм хүмүүсийн үгийг хэн ч сонсохгүй. ЮУ ЯРЬЖ БАЙГААГАА ЧОЙЛГООГҮЙ НӨХДҮҮД НЭГ ИХ ТОМ ТОМ ЮМ ЯРЬЖ ГЭНЭ.
Нэргүй 2026-09-24 202.70.38.250
Нийслэл аа харцгаа Хамаг байдаг мөнгөөр тоглоод дууслаа ………..Баахан хэрэггүй Төслийн Баг Нэгжүүд байгуулчихсан хар 1000 амьтад цалинжиж зоолж бна дааа
Нэргүй 2026-09-24 202.70.38.250
Улаанбаатар Хөгжихөд Нийслэл Хотын Захиргаа дутмаар бгаамаа
Нэргүй 2026-09-24 64.119.21.34
хүмүүсийг тусгай албанд элсүүлнэ гэж хэдхэн цаасаар хошгоруулж бузар зорилгодоо ашиглахаа боль