Монгол Улс болон БНХАУ-ын хамтын ажиллагааны хүрээнд байгуулсан Олон Улсын Инженерийн хамтарсан их сургууль албан ёсоор үйл ажиллагаагаа эхлүүллээ.

Монгол Улсын Засгийн газар 2025 оны зургадугаар сарын 4-нд тус сургуулийг байгуулах шийдвэр гаргасан бөгөөд удирдах зөвлөлийг хоёр талаас 50, 50 хувийн оролцоотой, нийт 14 хүний бүрэлдэхүүнтэй байгуулжээ.

Тус сургууль нь инженер, технологийн боловсролыг хөгжүүлэх, хоёр улсын их, дээд сургуулиудын хамтын ажиллагааг өргөжүүлэх, мэргэшсэн хүний нөөц бэлтгэх зорилготой юм.

Сургуулийн нээлтийг ӨМӨЗО-ы Аж үйлдвэрийн их сургуулийн хөгжлийн их хурлын үеэр зарласан байна. Нээлтэд Боловсролын яамны Төрийн нарийн бичгийн дарга Т.Ням-Очир, ШУТИС-ийн ректор Т.Намнан тэргүүтэй төлөөлөгчид оролцжээ.