Засгийн газрын хуралдааны шийдвэрийн өнөөдөр /2026.09.16/ танилцуулав.

ЗГХЭГ-ын Тэргүүн дэд дарга Б.Батцэцэг:

-Сүүлийн өдрүүдэд Хууль зүй, дотоод хэргийн салбарт үүсээд байгаа нөхцөл байдалтай холбогдуулан дотоодын аюулгүй байдлыг хангах үйл ажиллагаанд нь эрсдэл үүссэн, салбарт итгэх иргэдийн итгэл алдарсан гэх үндэслэлээр Хууль зүйн сайд С.Амарсайханыг чөлөөлөх шийдвэрийг Засгийн газрын хуралдаанаас гаргасан.

Энэ асуудалтай холбоотойгоор олон нийтэд мэдээлэгдсэн, нэр нь дурдагдсан болон ШШГЕГ-ын албан тушаалтнуудаас гадна сайд асан С.Амарсайханы мэдэгдэлд нэр дурдагдсан албан тушаалтнуудыг чөлөөлж, шалгуулахаар болсон.

Мөн мэдээлэл хийсэн дунд, дээд шатны агентлагийн холбогдох албан тушаалтнуудыг чөлөөлөхөөр болсон. Сүүлийн хэдэн өдрийн турш ШШГЕГ-ын холбогдох албан тушаалтнууд болон өчигдөр С.Амарсайхан сайдын мэдэгдэлд нэр дурдагдсан албан тушаалтнуудыг чөлөөлж, шалгуулах, иргэдэд үүсээд байгаа эргэлзээг тайлах чиглэлийг Ерөнхий сайд С.Учрал өгсөн. Хууль зүйн сайдын албан тушаалыг дараагийн сайд томилогдох хүртэл аль нэг сайд түр орлон гүйцэтгэнэ. Одоогоор шийдвэр тодорхойгүй байна. Б.Энхбаярыг Хууль зүйн сайдаар томилохгүй гэлээ.