Хашгирахыг хориглоно | News.MN

Хашгирахыг хориглоно

Хуучирсан мэдээ: 2010.09.13-нд нийтлэгдсэн

Хашгирахыг хориглоно

Америкын умард Каролина мужын нэгэн ресторанд хүүхэд хашгирахыг хориглосон дотоод журам гаргажээ. Хэрэв та уг ресторанд орвол “ Хүүхэд хашгирахыг хориглоно” гэсэн анхааруулгыг унших юм. Каролинын далайн эрэг дээр орших Olde Salty рестораны байнгын оршин суугчид  дээрх журмыг  зөв гэж үзэж байхад хөгжлийн бэрхшээлтэй хүүхдийн эцэг эхчүүд үүнийг эсэргүүцэж байгаа гэнэ. Рестораны эзэн Бренда Армес хотын телевизэд өгсөн ярилцлагадаа “ Дээрх хатуу журам үйлчлүүлэгчдийг алдах биш улам татаж бизнест ч сайнаар нөлөөлнө” гэжээ.   
Олон нийтийн газар хүүхэд уйлж, орилж хашгирах ямар байдгийн зовлонг олон эцэг эхчүүд мэднэ.
Нью Йорк, Бруклин зэрэг хотуудын Union Hall  баар  тэрэгтэй хүүхэд оруулахыг хориглоод эцэг эхчүүд, үйлчлүүлэгчдийн зүгээс хүчтэй эсэргүүцэлтэй тулгарчээ. Харин зарим нэг баар, ресторануудад оройн  17 цагаас хойш хүүхэд оруулахыг хориглосон хэвээр байгаа юм.  
Түүнээс гадна Skyscanner хэмээх нислэгийн нэгэн компаниас явуулсан судалгаагаар аялагчдын бараг 60 хувь нь нисэх онгоцонд хүүхэдтэй хүмүүсийн тусгай заал байх ёстой гэж үзжээ. Аялалын явцад  хүүхэдтэй хүмүүс багагүй саад учруулдгийг  олон хүн дурьдсан байв. Нийт аялагчдын 20 хувь нь  насанд хүрээгүй зорчигчидтой  онгоцоор нисэх дургүй байдгаа нуугаагүй байна. Дээрхээс харахад хүмүүс олон нийтийн газар хүүхэд дагуулж явахаас залхаад байна уу эсвэл газар сайгүй хүүхэд дагуулж явдаг хүмүүс олширсон уу гэдэг асуулт гарч ирж байгаа юм.

О.Халиун

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж