Хойд Солонгостой холбоотой гэгддэг “Kimsuky” хакерын бүлэг хиймэл оюун ухаан (AI) ашиглан хуурамч баримт бичиг үүсгэж, түүгээрээ хортой программ тараасан нь тогтоогджээ.

Өмнөд Солонгосын кибер аюулгүй байдлын "Genians" компанийн мэдээлснээр, өнгөрсөн сард цуглуулсан 13 хортой файлыг шинжлэх явцад дээрх хэрэг илэрсэн.

Хакерууд цахим шуудангаар “даатгалын төлбөр”, “бодлогын сангийн мэдэгдэл” зэрэг нэртэй баримт бичиг бүхий шахсан файл илгээжээ. Хэрэглэгч уг файлыг нээж, доторх баримтыг ажиллуулах үед хортой программ идэвхжихээр тохируулсан байв.

Судлаачдын анхаарлыг татсан гол зүйл нь эдгээр баримт бичгийн зарим нь мета мэдээлэлд “opencode” гэсэн нэртэй байсан явдал юм. “Opencode” нь "AI" код бичих хэрэгсэл аж.

"Genians" компани өнгөрсөн сард илэрсэн 13 хортой файлыг шалгах явцдаа эдгээр хуурамч баримт бичгийн заримыг "AI" ашиглан үүсгэсэн байж болзошгүй ул мөрийг олсон байна.

Тодруулбал, файлуудын мэдээлэл дотор “opencode” гэсэн нэр илэрсэн бөгөөд энэ нь программ бичихэд ашигладаг хиймэл оюун ухааны хэрэгсэл юм. Тиймээс хакерууд "AI" ашиглан хуурамч баримт бичгийг бэлтгэж, халдлагадаа ашигласан гэж мэргэжилтнүүд үзэж байна.

Өмнөд Солонгосын "Genians" компани "Kimsuky" бүлэг "AI"-аар код бичих тусгай хэрэгсэл ашиглан халдлага үйлдсэн байж болзошгүйг анх удаа илрүүлсэн гэж мэдээлжээ.

"Kimsuky" бүлэг өмнө нь мөн "AI"  ашиглан хүмүүсийг хуурах зориулалттай хуурамч материал бэлтгэх, кибер халдлагаа төлөвлөх оролдлого хийж байсан аж.

Мэргэжилтнүүдийн үзэж байгаагаар хакерууд "AI" ашигласнаар хуурамч баримт бичиг болон хортой программ бүтээх үйл явцаа илүү хурдан, хялбар болгож байна.