Японы Сасакава Энх тайвны сан байнгын оршин суух зөвшөөрөлтэй гадаадын иргэдийг байлдааны бус үүрэгтэйгээр, мөн удирдах бус албан тушаалд томилон Японы Өөрийгөө хамгаалах хүчинд элсүүлэх саналыг саяхан дэвшүүлжээ. Тодруулбал, гадаадын иргэн гэдэг шалтгаанаар шууд үгүйсгэхийн оронд энэ асуудлыг судалж үзэхийг тус сангаас зөвлөсөн аж. Энэ нь Өөрийгөө хамгаалах хүчинд шинэ элсэгч хомсдох болсонтой холбоотой.

Тэгвэл Японы Батлан хамгаалахын сайд Шинжиро Коизүми Баасан гаригт /2026.09.04/ энэ санааг үгүйсгэлээ. Тэрбээр "Бид ийм асуудлыг авч хэлэлцэхгүй. Өөрийгөө хамгаалах хүчинд элсэх өргөдөл гаргах эрх нь уламжлал ёсоор зөвхөн Японы иргэншилтэй хүмүүст нээлттэй. Хүний нөөц бүрдүүлэх нь ноцтой сорилт мөн гэдгийг хүлээн зөвшөөрч байна. Гэсэн ч юуны өмнө одоо алба хааж байгаа хүмүүс маань хамгийн чухал. Батлан хамгаалах яам ажлын нөхцлийг сайжруулах, албаны үүрэг хариуцлагыг дахин зохион байгуулах замаар энэ хомсдолыг шийдвэрлэнэ" гэжээ.