Нийслэлийн хэмжээнд тээврийн хэрэгслийн улсын дугаарыг тэгш, сондгойгоор ангилан замын хөдөлгөөнд оролцуулах зохицуулалт хэрэгжиж байна. Тодруулбал, 2026 оны есдүгээр сарын 2-ны өдөр тэгш тоогоор төгссөн улсын дугаартай тээврийн хэрэгсэл хөдөлгөөнд оролцоно. Харин сондгой тоогоор төгссөн тээврийн хэрэгсэл есдүгээр сарын 3, 5, 7, 9, 11-нд, тэгш тоогоор төгссөн тээврийн хэрэгсэл есдүгээр сарын 2, 4, 6, 8, 10, 12-нд замын хөдөлгөөнд оролцоно. Энэхүү зохицуулалт нь 07:00-21:00 цагийн хооронд, бүсчлэл харгалзахгүйгээр нийслэлийн төвийн зургаан дүүргийн хэмжээнд хэрэгжинэ. Тэгш, сондгойгоор ангилан хөдөлгөөнд оролцуулах зохицуулалтад дараах тээврийн хэрэгслүүд хамаарахгүй.

Үүнд:

• Цахилгаан тэжээлтэй буюу ногоон дугаартай тээврийн хэрэгсэл;
• Зөвшөөрөл, тоноглол бүхий хүнсний бүтээгдэхүүний түгээлт, татан авалтын тээврийн хэрэгсэл;
• Оршуулгын үйл ажиллагаанд ашиглагдаж буй тээврийн хэрэгсэл;
• Авто зам, хот тохижилт, шугам сүлжээний засвар үйлчилгээний тээврийн хэрэгсэл;
• Дипломат байгууллага, гадаадын зочин төлөөлөгчдөд үйлчлэх тээврийн хэрэгсэл;
• Нийтийн тээврийн хэрэгсэл;
• Стандартын шаардлага хангасан такси үйлчилгээний тээврийн хэрэгсэл;
• Сургууль, цэцэрлэг, байгууллагын ажилчдын тээвэр;
• Таних тэмдэг бүхий хэвлэл мэдээллийн байгууллагын тээврийн хэрэгсэл.

Иймд жолооч нар улсын дугаарынхаа төгсгөлийн тоог шалгаж, тухайн өдөр замын хөдөлгөөнд оролцох боломжтой эсэхээ нягтлахыг зөвлөж байна.