АН-ын байрны шүүх хурал X сард болно

Ардчилсан намын даргаар О.Цогтгэрэлийг сонгоод нэг жил боллоо. Тэрбээр ажлаа авсан даруйдаа Ардчилсан намын байрны асуудалд анхаарч, хууль хяналтын байгууллагад хандахаа мэдэгдсэн. Тэгвэл Ардчилсан намын байрны шүүх хурал 2026 оны аравдугаар сарын 9-нд болох гэнэ. Тодруулбал, олны нэрлэж заншсанаар Соёлын төв өргөөний урд талын хүзүүвчний хэсэг гэж нэрлэдэг газрыг Худалдаа хөгжлийн банк эзэмшдэг. Энэ газартай холбоотой шүүх хурлыг өмнө нь хоёр удаа хойшлуулсан бөгөөд сүүлд наймдугаар сарын 9-нд хуралдаж, хугацааг нь аравдугаар сар хүртэл хойшлуулсан байна.

Үүнээс гадна С.Зоригийн хөшөөний урд талын цэнхэр байшин буюу "муурын байшин" болон Сүхбаатар дүүргийн долдугаар хорооны нутаг дэвсгэрт байрлах МоАХ-ны байр буюу Ардчиллын ордонтой холбоотой өмчлөлийн асуудал бий.

Сүүлд Ардчилсан намаас Улс төрийн зөвлөлийн 2026 оны наймдугаар сарын 21-ний өдрийн хуралдаанаар намын үл хөдлөх хөрөнгийн өмчлөх эрхтэй холбоотой асуудлаар холбогдох талуудтай зөвшилцөх үүрэг бүхий ажлын хэсгийг байгуулсан талаар мэдээлсэн юм. Уг ажлын хэсгийг Ардчилсан намын Ерөнхий нарийн бичгийн дарга С.Баярцогт ахалж, УИХ-ын гишүүн Л.Мөнхбаясгалан, Ж.Батсуурь, АН-ын дэд дарга Ч.Өнөрбаяр, Улс төрийн зөвлөлийн гишүүн Т.Пүрэвхатан, хуульч Б.Ариунболд нарын бүрэлдэхүүнтэйгээр ажиллаж байна. Ажлын хэсэг дээрх хоёр байрны өмчлөлийн асуудлаар холбогдох талуудтай зөвшилцөж, тохиролцох аж.

Ардчилсан намын цэнхэр байр буюу "муурын байшин"-д Ардчилсан намын Хэрэг эрхлэх газар сүүлийн 10 гаруй жилийн хугацаанд түрээс төлж, үйл ажиллагаагаа явуулж ирсэн. Энэ байрны үндсэн эзэмшигч нь 1990 оны Ардчилсан хувьсгалын гол оролцогч холбоодын нэг болох Шинэ дэвшилтэт холбоо байдаг.

Энэ талаар өмнө нь 2022 онд Ардчилсан намын дарга асан С.Эрдэнэ ярилцлага өгөхдөө "Анх ардчилсан хувьсгал гарч, гол манлайлагч Монголын ардчилсан холбоо, Шинэ дэвшилтэт холбоо, Ардчилсан социалист хөдөлгөөн гэсэн улс төрийн гурван хүчин байсан. Сүүлдээ энэ гурван хөдөлгөөнөөс намууд үүсч, Монголын ардчилсан нам, Монголын үндэсний дэвшил нам, Монголын социал демократ намыг байгуулсан түүхтэй. Д.Бямбасүрэнгийн Засгийн газрын үед гурван байр эзэмшигчээр хуваарилж байсан. Тэрний нэг нь хуучин Соёлын яамны байр буюу одоогийн арваннэгдүгээр хороололд байрлах Монголын ардчилсан холбооны байрыг Ардчилсан холбоо, Ардчилсан намын дунд эзэмшүүлсэн.

Дараа нь Монголын үндэсний дэвшил намын байр буюу С.Зоригийн хөшөөтэй байрыг Шинэ дэвшилтэт холбоо, Монголын үндэсний дэвшил намын дунд өгсөн бол Соёлын төв өргөөний хүзүүвч байсан байрыг Ардчилсан социалист хөдөлгөөн болон Монголын социал демократ намын дунд өгч байсан.

Одоо энэ гурван байраас Монголын ардчилсан холбооны байр өмчлөлд шилжсэн. Тухайн үед би энэ холбооны дарга байх үедээ Төрийн өмчийн хороогоор хөөцөлдөж, өмчийн тогтоол гаргаж авсан түүхтэй.

Соёлын төв өргөөний хүзүүвчний байрыг тухайн үед түрээслэн, эзэмшиж байхад би тухайн үед НИТХ-ын төлөөлөгч байсан. Ардчилсан намаас Ш.Алтангэрэл, Д.Нямхүү бид гурав л төлөөлж байлаа. Тухайн үед нэлээн хөөцөлдөж, давуу эрхээр хүзүүвчний байрыг худалдаж авахаар НИТХ-ын тогтоол гаргуулж, 300 орчим сая төгрөгөөр Монголын үндэсний ардчилсан намын байр болгож байсан" гэдгийг хэлж байсан юм.

7 сэтгэгдэл

Хариулахаа болих

Нэргүй 2026-09-02 43.228.128.82

STU huzuuvch Eebii-iin songuuliin zardald zoriulsan zeeliin baritsaand tavigdaad duussan … gej AN tom dargaas sonsch bvaaa

Хариулах

хүннү 2026-09-02 122.201.31.189

Орох орон, оочих аягагүй намд төрийн жолоо атгуулвал юу болох вэ? Өмнө нь хэд хэдэн байртай байсан боловч түүнийг нь хөгчүүд нь зараад үр хүүхдээ гудамжинд орхисонтой ялгаа юу байнаа. Яг л ийм юм бодсон.

Нэргүй 2026-09-02 66.181.183.103

14 тэрбум татварын мөнгөөр МАН шиг баричисан байгаа ш дээ тэнэгээ

ОРОХ ОРОНТОЙ МАН 14 ТЭРБУМ ТАТВАРЫН МӨНГӨӨР БАРИЧИХСАН БАЙГАА ТЭНЭГЭЭ

Нэргүй 2026-09-02 103.212.119.120

Mordhiin hazgaa heden hud garuud ene ulsiig yaj dampuuruulsnaa hardaa ta nart amid yvah erh baihgui……………

0202 2026-09-02 59.153.86.205

Байрныхаа асуудлыг шийдэж чадахгүй байж бас Засаг төрөө унагана, Монголыг тохинуулна гэнээ Пүрэвдорж

Зочин 2026-09-02 66.181.190.233

Монголд ардчилал гэгч юм ерөөсөө байхгүй. Анх ардчилал ярьж ардчиллын пайз зүүсэн амьтад бүгд хулгайч болцгоосныг ард иргэд минь бүү март.Бат-үүл, Элбэгдорж гээд бүгд хулгайч болсон.