Онцгой байдлын байгууллагын гал түймрийн улсын хяналтын байцаагчийн нэрийг барьж, худалдаа, үйлчилгээ эрхлэгч иргэн, аж ахуйн нэгжүүдээс мөнгө залилан авахыг завдсан болон мөнгө шилжүүлэн авсан тохиолдолдлууд бүртгэгдсэн байна.

Тодруулбал, 96100899, 80570899, 91004717, 94650899 дугаарын утсаар иргэн аж ахуй нэгж байгууллага руу  холбогдон, “Улсын хэмжээнд хяналт шалгалт зохион байгуулж байгаа. Танай байгууллагад гал түймрийн аюулгүй байдал, гамшгаас хамгаалах бэлэн байдлын шалгалт хийхээр алба хаагчид очих тул өдрийн хоол болон сургалтын материалын зардлыг шийдвэрлэнэ үү” гэж худал мэдээлэл өгч, хувь хүний данс руу иргэн, аж ахуй нэгжүүдээс мөнгө шилжүүлэн авчээ.

Тиймээс Онцгой байдлын албанаас "ОБЕГ-аас алба хаагчид сургалт зохион байгуулах, хяналт шалгалт хийх зэрэг төрийн үйлчилгээг үзүүлэхдээ иргэн, хуулийн этгээдээс ямар нэгэн төлбөр, хандив, мөнгө авах нь хуулиар хориглодог" гэдгийг сануулж энэ төрлийн залиланд өртөхгүй байхыг анхааруулав.