Эрүүл мэндийн сайдын тушаалаар  төрийн өмчийн бүх эмнэлэгүүдийн зогсоолын эхний 2 цагийг үнэ төлбөргүй боллоо. Уг шийдвэр наймдугаар сарын 28-наас эхлэн хэрэгжиж байгаа аж. Эрүүл мэндийн сайд Э.Батшугар “Иргэд эмнэлгийн тусламж, үйлчилгээ авахын тулд зогсоолын төлбөрөөс болж хүндрэл учрах ёсгүй. Иргэд өвчтөний карт, цаг авсан баримтаа үндэслэн зогсоолын төлбөрөөс чөлөөлөгдөнө. Цаашид зогсоолын төлбөрөөс чөлөөлөх үйл явцыг цахимжуулж, иргэдэд илүү хялбар, чирэгдэлгүй үйлчилгээ бий болгоход анхаарч ажиллана” гэв.

Иргэдийн хувьд гуравдугаар шатлалын эмнэлгээр үйлчлүүлэх болоход зогсоол хангалттай бус байдгийн зэрэгцээ төлбөр нь өндөр тусдаг тухай иргэд хөнддөг. Төлбөргүй болгох ёстой гэх асуудлыг ч тавих нь бий. Гэхдээ төрийн өмчийн эмнэлгийн зогсоолыг төлбөргүй болгох нь бас учир дутагдалтай тухай хөндөгдөж ирсэн юм. Энэ асуудлыг Эрүүл мэндийн сайд ойрын хугацаанд шийдвэрлэхээ мэдэгдсэн. Тэгвэл эхний 2 цагийг төлбөргүй болгох шийдвэр гаргаад байна.