Засгийн газар Монгол Улсын 2026 оны төсөвт тодотгол хийхээр болж, холбогдох хуулийн төслийг УИХ-д өргөн мэдүүлээд буй. Монгол Улсын 2026 оны төсвийн алдагдал хоёр их наядыг давсан, инфляц энэ оны долдугаар сард 13 хувьд хүрсэн, цаашид ч өсөх прогнозтой, мөн гадаад хүчин зүйлээс шалтгаалж шатахуун тасалдаж болзошгүй зэрэг нөхцөл байдлыг тооцон, тодотголыг өргөн мэдүүлсэн. Ингэхдээ төрийн албан хаагчдын цалин, ахмад настны тэтгэврийг ирэх арваннэгдүгээр сараас нэмэгдүүлэхээр болсон юм. Дээрх арга хэмжээг авахын тулд сайд нарын төсвөөс 300 гаруй тэрбумыг танасан болохыг Засгийн газрын тэргүүн мэдэгдсэн.

Харин сөрөг хүчин болох Ардчилсан нам "Засгийн газар данхгар төсөвтэй, занхайсан сайд нараа цөөлөх ёстой" гэх шаардлага тавьж буй.

Засгийн газар Ерөнхий сайдаас гадна 18 сайд, таван дэд сайдтай ажилладаг. Ингээд 2026 оны төсвийн тодотголд сайд нар хэдэн төгрөг зарцуулахаар тусгасныг хүргэе.

• Ерөнхий сайд Н.Учрал:  366 тэрбум, 988 сая,
• Тэргүүн Шадар сайд Ж.Энхбаяр: 298 тэрбум, 605 сая,
• Шадар сайд Т.Доржханд: 349 тэрбум, 605 сая,
• Шадар сайд Н.Номтойбаяр: 5 тэрбум, 571 сая,
• Засгийн газрын Хэрэг эрхлэх газрын дарга Б.Энхбаяр: 97 тэрбум, 214 сая,
• Гадаад харилцааны сайд Б.Батцэцэг: 202 тэрбум,
• Сангийн сайд З.Мэндсайхан: 4 их наяд, 250 тэрбум,
• Хууль зүй, дотоод хэргийн сайд С.Амарсайхан: 1 их наяд, 506 тэрбум,
• Аж үйлдвэр, эрдэс баялгийн сайд Г.Дамдинням: 94 тэрбум, 234 сая,
• Батлан хамгаалахын сайд Д.Батлут: 766 тэрбум, 303 сая,
• Байгаль орчин, уур амьсгалын өөрчлөлтийн сайд Ц.Сандаг-Очир: 377 тэрбум, 746 сая,
• Боловсролын сайд Л.Энх-Амгалан: 5 их наяд, 494 тэрбум,
• Гэр бүл, хөдөлмөр, нийгмийн хамгааллын сайд Т.Аубакир: 4 их наяд 910 тэрбум,
• Зам тээврийн сайд Б.Дэлгэрсайхан: 982 тэрбум,
• Соёл, спорт, аялал жуулчлал, залуучуудын сайд Ж.Алдаржавхлан: 456 тэрбум, 810 сая,
• Хот байгуулалт, барилга, орон сууцжуулалтын сайд Э.Бат-Амгалан: 235 тэрбум, 616 сая,
• Хүнс хөдөө аж ахуй, хөнгөн үйлдвэрийн сайд Ц.Идэрбат: 703 тэрбум, 275 сая,
• Цахим хөгжил, инновац, харилцаа холбооны сайд Ч.Номин: 79 тэрбум, 727 сая,
• Эрчим хүчний сайд Б.Найдалаа: 604 тэрбум, 746 сая,
• Эрүүл мэндийн сайд Э.Батшугар: 2 их наядыг тус, тус зарцуулахаар тодотголд тусгажээ.

Г.ХОРОЛ