“Улаанбаатар метро” төслийн захирал Т.Мөнхдалайн албан үүргийг түр түдгэлзүүлсэнтэй холбоотойгоор төслийн захирлаар Б.Содбаатарыг томилжээ.

Б.Содбаатар өмнө нь Нийслэлийн Тээврийн удирдах газрын Төсөл дэмжих менежментийн албаны даргаар ажиллаж байсан бөгөөд “Улаанбаатар трамвай” төслийн ахлах инженерээр ажиллаж байсан туршлагатай аж.

Түүнчлэн “Улаанбаатар трамвай” төслийн захирлаар Б.Дэчиннямбууг томилсон байна. Тэрбээр өмнө нь УИХ-ын гишүүн Х.Булгантуяагийн зөвлөхөөр ажиллаж байсан, МАН-ын дэргэдэх Социал Демократ Монголын Залуучуудын Холбооны Удирдах зөвлөлийн гишүүнээр ажиллаж байжээ.

Ингэснээр нийслэлээс хэрэгжүүлж буй “Улаанбаатар метро”, “Улаанбаатар трамвай” зэрэг томоохон дэд бүтцийн төслүүдийн удирдлагад өөрчлөлт орж байна.

“Нэгдсэн төслийн удирдлагын газар” ОНӨТҮГ-аас тодруулснаар, дээрх томилгоог COP17-ын өмнөхөн хийжээ.