COP17 олон улсын хурлын дээд түвшний парламентын форумд 25 орны парламентын 27 гишүүн, НҮБ бусад олон улсын байгууллагын төлөөлөгчид оролцож байна. Энэ үеэр УИХ-ын дарга С.Бямбацогт байр сууриа илэрхийлэхдээ "Засгийн газраас улсын төсвийн тодотголын төслийг УИХ-д өргөн барьсан. Улсын төсвийн орлого биелэхгүй байна. Төсвийн алдагдлыг санхүүжүүлэх, хэмнэлт хийх, үнийн өсөлтийг ард иргэдэд үүрүүлэхгүй байх, төр бүсээ чангалж, иргэдийн цалин, тэтгэврийг нэмэх асуудлыг заавал он гарахыг хүлээхгүйгээр шийдэх шаардлагатай байна гэж үзсэн юм билээ. Төсвийн тодотголыг хэлэлцэхэд тодорхой хуулийн шаардлага байдаг. Өөрөөр хэлбэл, Үндэсний аудитын дүгнэлт гарах ёстой. Төсвийн тогтвортой байдлын тухай хууль, Төсвийн тухай хууль зөрчсөн байна уу гэдгийг үзэх шаардлагатай. Мөн Төсвийн тогтвортой байдлын зөвлөл бас дүгнэлтээ гаргах ёстой. Тийм учраас есдүгээр сар гараад Төсвийн тогтвортой байдлын зөвлөлийн болон Үндэсний аудитын байгууллагын дүгнэлт гарчих байх.

Тэр болтол тодорхой бэлтгэл хангах ёстой. Сөрөг хүчний зүгээс ээлжит бус чуулганыг хуралдуулж, төсвийн тодотголыг хэлэлцэх саналыг тавьж байгаа. Хэрэв тийм бол 42 гишүүн гарын үсгээ зурж, ээлжит бус чуулганыг хуралдуулах боломжтой" гэсэн юм.

Монголчууд эрт дээр үеэсээ байгаль дэлхийгээ хамгаалж ирсэн уламжлалтай. Өдгөө энэ уламжлал маань ч гэсэн дахин сэргэж байгаа байх. Монгол Улсын Ерөнхийлөгчийн зүгээс "Тэрбум мод" төслийг санаачлан, хэрэгжүүлж байна. Засгийн газраас 100 мянган нарны гэр төслийг  санаачилж, хүлэмжийн хийн ялгарлыг бууруулахад нэгдэж, эх дэлхийгээ хайрлах ажлыг хийж байна. Мөн сум бүрт цөв цөөрөм байгуулахаар "Газрын цэнхэр нүд" хөтөлбөрийг хэрэгжүүлэхээр УИХ-аас санаачлага гарган, ажиллана. Тийм учраас дэлхийн анхаарлыг Монгол Улсад авч ирсэн олон улсын арга хэмжээ болж байна" гэдгийг онцлов.