ОХУ-ын ерөнхийлөгч Владимир Путин халдлагаас хангалттай хамгаалагдаагүй гэж тогтоогдсон чухал дэд бүтцүүдийг төрийн хяналтад түр хугацаанд авах боломжийг нээсэн зарлигт гарын үсэг зурлаа. Зарлигийн дагуу тухайн байгууламжийг зохих ёсоор хамгаалж чадахгүй байгаа, эсвэл учирсан хохирлыг шуурхай сэргээн засварлаж чадахгүй байна гэж үзвэл эзэмшигчээс нь тухайн байгууламжийн биет болон санхүүгийн хяналтыг төр хураан авах боломжтой. Тухайн байгууламжийг өмчлөхтэй холбоотой бүрэн эрхийг ОХУ-ын Холбооны төрийн өмчийн удирдлагын агентлагт шилжүүлнэ. Эсвэл томилогдсон өөр ямар нэг байгууллага байх боломжтой. Шинэ хариуцагч нь тухайн байгууламжид хөрөнгийн тооллого хийх боломжтой.

Энэхүү зарлигт бүх төрлийн эрчим хүчний байгууламжууд, аж үйлдвэр, харилцаа холбоо, тээвэр, ложистик, нийтийн аж ахуй болон улсын аюулгүй байдал, эдийн засгийн тогтвортой байдалд зайлшгүй шаардлагатай бусад байгууламж багтаж байна.

Украины арми сүүлийн үед Украины эрчим хүчний дэд бүтэц, эдийн засгийн чухал байгууламжуудад томоохон цохилтуудыг өгсөн. Эдгээр цохилтууд нь улс даяар түлшний хомсдол үүсгэж, эдийн засаг болон олон нийтийн санаа бодолд нөлөөлөөд байна.