COP17 хурал болж байгаатай холбогдуулан Нарантуул худалдааны төв болон Дүнжингарав худалдааны төвийн авто зогсоолыг түр хаагаад байгаа. Тэгвэл COP17 бага хурлын хөтөлбөртэй уялдуулан наймдугаар сарын 22, 23-ны өдрүүдэд хязгаарласан зарим замыг түр хугацаанд нээсэн. Өчигдөр Нарантуулын уулзвараас Өгөөмөр захын уулзвар хүртэлх зам болон Нарантуул худалдааны төвийн авто зогсоолыг нээсэн.

Харин өнөөдөр буюу наймдугаар сарын 23-нд Нарантуулын уулзвараас Дүнжингаравын уулзвар, Зүүн жанжин уулзвар хүртэлх зам болон Дүнжингаравын авто зогсоолыг нээнэ.

Дээрх замуудыг наймдугаар сарын 24-ний өдрийн 07:00 цагт дахин хаах тул иргэд, жолооч та бүхэн зорчих чиглэлээ төлөвлөн хөдөлгөөнд оролцохыг холбогдох байгууллагуудаас сануулав.

Мөн тээврийн хэрэгслийн тэгш, сондгойгийн хязгаарлалт хүчин төгөлдөр мөрдөгдөж байна. Иймд наймдугаар сарын 22-нд тэгш, 23-нд сондгой дугаартай тээврийн хэрэгслүүд хөдөлгөөнд оролцоно.