Хичээлийн шинэ жилийн бэлтгэл, олон улсын COP-17 хуралтай холбогдуулан өнөөдрөөс /2026.08.15/ есдүгээр сарын 12-ны өдрийг дуустал тээврийн хэрэгслийн улсын дугаарын тэгш, сондгойгоор ангилан 07:00-21:00 цагийн хооронд замын хөдөлгөөнд оролцуулна. Энэхүү зохицуулалт бүс харгалзахгүй, нийслэлийн төвийн зургаан дүүргийн хэмжээнд нийт 28 хоног үйлчлэх юм.

Тодруулбал, сондгой тоогоор төгссөн тээврийн хэрэгслэл наймдугаар сарын 15, 17, 19, 21, 23, 25, 27, 29, 31, есдүгээр сарын 3, 5, 7, 9, 11-нд, тэгш тоогоор төгссөн автомашин наймдугаар сарын 16, 18, 20, 22, 24, 26, 28, 30, есдүгээр сарын 2, 4, 6, 8, 10, 12-нд хөдөлгөөнд оролцох юм. Тэгш, сондгойгоор замын хөдөлгөөнд оролцох зохицуулалтад дараах тээврийн хэрэгслүүд хамаарахгүй.

Үүнд:

•     Цахилгаан тэжээлийн буюу ногоон дугаартай тээврийн хэрэгсэл
•     Зөвшөөрөл, тоноглол бүхий хүнсний бүтээгдэхүүний түгээлт, татан авалтын тээврийн хэрэгсэл
•     Оршуулгын үйл ажиллагаанд ашиглагдаж буй
•     Авто зам, хот тохижилт, шугам сүлжээний засвар үйлчилгээ үзүүлдэг
•     Дипломат байгууллага, гадаадын зочин төлөөлөгчдөд үйлчлэх
•     Нийтийн тээвэр
•     Стандартын шаардлага хангасан такси үйлчилгээ
•     Сургууль, цэцэрлэг, байгууллагын ажилчдын тээвэр
•     Таних тэмдэг бүхий хэвлэл мэдээллийн байгууллагын тээврийн хэрэгсэл хамаарахгүй.