Гэрлэгчдийн эрх, үүргийн талаарх зохицуулалтыг боловсронгуй болгож, гэрлэлт цуцлах ажиллагаанд хүүхдийн эрхийг хамгаалах тогтолцоог бүрдүүлсэн гэдгээрээ онцлог.

• Гэрлэлт цуцлах, хүүхдийн асрамж, тэтгэлэг, уулзалтын хуваарь болон бусад асуудлыг шийдвэрлэхдээ хүүхдийн эрх, дээд ашиг сонирхлыг тэргүүлэх зарчим болгоно.
• Хосууд албан ёсоор гэрлэлтээ бүртгүүлээгүй ч олон жил хамтран амьдарч, дундаасаа үр хүүхэдтэй болсон бол эд хөрөнгийн харилцааг зохицуулна.
• Хүүхэд үрчлүүлэх асуудлыг зөвхөн шүүхээр шийдвэрлэнэ.
• Гэрлэлтийн гэрээг нарийвчлан зохицуулна. Гэрлэлтийн гэрээг гэрлэхээс өмнө болон гэрлэсний дараа байгуулж болно. Гэрээг бичгээр байгуулж, нотариатаар гэрчлүүлнэ. Үл хөдлөх хөрөнгийн эрхтэй холбоотой тохиролцоог улсын бүртгэлд урьдчилсан тэмдэглэлээр бүртгүүлнэ.
• Гэр бүлээс гадуурх харилцааны улмаас гэрлэлт цуцалсан бол буруутай гэрлэгчээс сэтгэл санааны хохирол нөхөн төлүүлэх асуудлыг шүүх шийдвэрлэнэ.
• Хүүхдийн асрамжийн асуудлыг шийдвэрлэхэд хүүхэд долоо, түүнээс дээш настай бол түүний саналыг харгалзана.
• Гэрлэлтээ бүртгүүлээгүй эцэг, эхийн дундаас төрсөн хүүхэд нь гэрлэлтээ бүртгүүлсэн гэрлэгчдээс төрсөн хүүхдийн адил эрх эдэлнэ.
• Эцэг эх, асран хамгаалагч нь хүүхдээ анхаарахгүй бол хүүхдийн өмнөөс гуравдагч этгээд нэхэмжлэл гаргаж, хүүхдийн эд хөрөнгийг хамгаална.
• Хүүхдийн тэтгэлгийг шинэ аргачлалаар тогтооно. Тэтгэлгийн хэмжээ хүүхдийн оршин суугаа бүсийн амьжиргааны доод түвшнээс багагүй байна.
• Сургуульд суралцаж байгаа 18-21 насны хүүхдийг тэжээн тэтгэнэ.
• Гэрлэлтээ цуцалж, хүүхдийн тэтгэлгээ төлөхгүй бол банкны мэдээллийн санд зээлийн мэдээллийн санд оруулж, зээлж авах эрхийг нь хязгаарлана.
• Гэр бүлийн маргааныг ердийн иргэний хэрэгтэй ижил журмаар бус, хүүхэд болон гэр бүлийн онцлогт тохирсон бие даасан процессын хуулиар шийдвэрлэнэ. Гэр бүлийн нөхцөл байдлын шинжээч оролцож, шаардлагатай үнэлгээ, судалгаа хийнэ.