Монгол Улсын Их сургуулийн багш гэж өөрийгөө танилцуулж улмаар их сургууль баталгаатай оруулж өгнө, гадаадад сурагч солилцоогоор явуулна гэж иргэдээс 120 сая төгрөг залилжээ

Тодруулбал, Их дээд сургуульд элсэх, оюутан солилцоо, тэтгэлэгт хөтөлбөрт хамрагдах хүсэлтэй иргэдийг залилсан иргэнийг баривчилсан байна. Тухайн хүн нь МУИС-ийн багш гэж өөрийгөө бусдад танилцуулж элсэлтийн асуудлыг шийднэ, танил талаараа баталгаатай их сургуульд оруулна, гадаадад сурагч солилцоогоор явуулна гэж иргэдээс мөнгийг нь авсан байна. Одоогийн байдлаар иргэдэд 120 гаруй сая төгрөгийн хохирол учруулсан байна.

Тиймээс их, дээд сургуульд элсэх гэж байгаа иргэд элсэлт болон тэтгэлэгтэй холбоотой мэдээллийг тухайн боловсролын байгууллагын алба ёсны эх сурвалжаас нягтлахыг цагдаагийн байгууллагаас анхааруулж байна.