Нийслэлийн цэцэрлэгт хамрагдах хүүхдүүдийн хүсэлтийг ирэх Даваа гаригаас эхлэн цахимаар хүлээн авч эхэлнэ.

Тодруулбал, нийслэлийн цэцэрлэгт хамрагдах хүсэлтийг 2026 оны наймдугаар сарын 10-ны өдрийн 09:00 цагаас 2026 оны наймдугаар сарын 23-ны өдрийн 23:59 цаг хүртэл E-Mongolia платформоор дамжуулан хүлээн авна.

Иргэд хүүхдээ цэцэрлэгт хамруулах үйлчилгээг авахдаа дараах зүйлсийг анхаарна уу.

• Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;
• Хэрэв таны хүүхэд өнгөрсөн жил цэцэрлэгт хамрагдсан бол тухайн цэцэрлэгтээ "Үргэлжлүүлэн явах" сонголтыг хийх;
• Хэрэв хаягийн шилжилт хөдөлгөөн хийх бол 2026 оны наймдугаар сарын 07-ны өдрөөс өмнө бүртгэлээ баталгаажуулсан байх.

Энэ сарын 17-28-ны хооронд нийслэлд COP17 хурал болох гэж байгаатай холбогдуулан нийслэлийн зарим сургууль цэцэрлэг дээр есдүгээр сарын 1-н хүртэл ямар нэг үйл ажиллагаа зохион байгуулахгүй гэдгийг албаныхан хэлж буй.