Цагдаагийн ерөнхий газарт энэ оны эхний хагас жилийн байдлаар улсын хэмжээнд 2330 зам тээврийн осол бүртгэгдэж, ослын улмаас 297 хүн амь насаа алдаж, 1578 хүн гэмтэж бэртсэн, харамсалтай тохиолдол бүртгэгдсэн байна.

Бүртгэгдсэн ослын дийлэнх нь жолооч нарын замын хөдөлгөөний дүрэм зөрчих, анхаарал болгоомжгүй хөдөлгөөнд оролцох, тогтоосон хурдыг хэтрүүлэх, согтууруулах ундаа хэрэглэсэн үедээ тээврийн хэрэгсэл жолоодох зэрэг хүний буруутай үйлдлээс шалтгаалжээ.

Иймд Цагдаагийн ерөнхий газраас иргэд, жолооч нарт замын хөдөлгөөнд оролцохдоо зам, цаг агаар болон орчны нөхцөлд тохируулан хурдны хязгаарыг мөрдөх, хамгаалах бүсээ тогтмол хэрэглэх, жолоо барих үедээ гар утас ашиглахгүй байх, анхаарал сарниулах аливаа үйлдлээс зайлсхийхийг зөвлөв. Мөн согтууруулах ундаа хэрэглэсэн, ядарсан, нойрмог үедээ жолоо барихгүй байх, тээврийн хэрэгслийн техникийн бүрэн бүтэн байдлыг тогтмол шалгаж хэвших нь ослоос урьдчилан сэргийлэхэд чухал болохыг онцоллоо. Цагдаагийн байгууллагаас замын хөдөлгөөнд оролцогч бүрийн хариуцлагатай, зөв дадал нь зам тээврийн ослоос урьдчилан сэргийлэх хамгийн чухал хүчин зүйл юм.

С.УЧРАЛ