"NEWS” агентлаг энэ удаагийн 126:1 булангаараа УИХ-ын 2024 оны сонгуульд говийн бүсээс нэр дэвшиж сонгогдсон Борхүүгийн Дэлгэрсайханыг онцолж байна.

УИХ-ын гишүүн Б.Дэлгэрсайханы хувьд бизнесийн салбарт олон жил ажиллаж байгаад 2016, 2020 онд УИХ-ын гишүүнээр Дорноговь аймгаас, 2024 оны УИХ-ын сонгуулиар говийн бүсээс сонгогдсон. Ардын нам дотроо бэл бэнчингээрээ тэргүүлдэг Б.Дэлгэрсайханыг одоогийн Ерөнхийлөгч У.Хүрэлсүх, Ерөнхийлөгч асан Х.Баттулга нарын “холбогч” гэж ярьдаг бөгөөд намынхан нь “ардын намын түрүүвч” гэх нь ч бий.

Б.Дэлгэрсайхан бизнес эрхэлж, ялангуяа төмөр зам, уул уурхайн салбарт эрх мэдэлтэй нэгэн.

Цагдаагийн мөрдөн байцаагч хийж байгаад 1990 оноос хойш тасралтгүй бизнес хийж, махны наймаанаас эхэлсэн түүний бизнес “Дорнын говь” компани болон өргөжижи, 2004 оноос уул уурхайн бизнест хөл тавьж “Болд төмөр Ерөө гол” компани болон өргөжиж, төмрийн хүдэр зөөвөрлөж, хувьд галт тэрэгтэй, төмөр замтай “бэлтэй”улстөрчийн нэг.

Дорноговь аймагт бол “эзэн” гэгддэг Б.Дэлгэрсайхан аймгийн иргэдийн хурал, Засаг даргыг нь томилдог, өөрийн гэсэн “эзэмсэн аймагтай” улстөрч гэж цоллуулах нь ч бий.

Гэхдээ Дорноговь аймагт Б.Дэлгэрсайханы хийсэн бүтээн байгуулалт, орон сууцны хороолол гээд жинхэнэ мөнгөтэй хүн шиг зангараг гаргадаг гэдгийг нь нутгийнхан нь ярилцдаг. Гэхдээ Б.Дэлгэрсайханы уул уурхайн бизнес дан ганц Дорноговь аймгаар зогсохгүй бөгөөд төмөр зам барьж, төмөр замаар  Сэлэнгэ аймгаас хүдэр зөөхөөс гадна Ханги боомт руу чиглэсэн нүүрсний тээврийг ч Б.Дэлгэрсайхан “мэддэг”.  Ямартай ч хэдэн жил Дорноговь аймгийн Зүүнбаянгаас Ханги боомт руу чиглэсэн төмөр замыг Б.Дэлгэрсайхан мэдэж, энэ төмөр замаар явж байгаа бүхэн түүнд их, багаа ашгаа өгдөг гэж улс төрийн хүрээнд яригдсаар буй. Тиймээс ч түүнийг нүүрсний төмөр замыг “эрхшээгч” гэж хэвлэлээр цоллож байсан нь саяхан.

Сүүлийн хоёр ч Засгийн газар дамнан сайдын суудалд суусан нь түүнийг намдаа хэр нөлөөтэй, мөнгөтэй вэ гэдэг нь анзаарагдана.

Тодруулбал, Л.Оюун-Эрдэнийн Засгийн газарт Улаанбаатар хотын авто замын түгжрэлийг бууруулах үндэсний хорооны дарга буюу Монгол Улсын сайдаар ажилласан бол Г.Занданшатарын танхимд Зам, тээврийн хөгжлийн сайд, одоо Н.Учралын Засгийн газарт Зам, тээврийн хөгжлийн сайдаар улиран ажиллаж байна. Өөрөөр хэлбэл, сүүлийн хоёр жилийн хугацаанд Зам, тээврийн хөгжлийн яамыг толгойлж байна. Хувьдаа уул уурхайтай, төмөр замтай улстөрчийг Зам, тээврийг хөгжлийн сайдаар томилсон нь ашиг сонирхлын зөрчилтэй боловч Монголд, МАН-д “хууль үйлчилдэггүй”, дээрээс нь Б.Дэлгэрсайханд намдаа нөлөөтэй учраас ийнхүү хэд хэдэн Ерөнхий сайдын нүүр үзэж, сайдын суудалд тухалж суугаа. Цаашид ч олон сайдын суудалд тухалж, олон ч сонгуульд ялалт байгуулах нь баттай улстөрчийн нэг гэж намынхан нь хошигнож суух юм билээ.

УИХ-ын гишүүнээр сонгогдоод өөрийн гэсэн автор болсон хууль санаачилсан түүхгүй, олны эрх ашиг гэхээс илүү бизнесийн эрх ашгаа түрүүнд тавьдаг ийм нэгэн улстөрч МАН-д бий. Түүний хувьд УИХ-д гурван удаа сонгогдож, хоёр удаа сайдаар ажиллаж байна.

БОРХҮҮГИЙН ДЭЛГЭРСАЙХАНЫ НАМТАР

ТӨГССӨН СУРГУУЛЬ, МЭРГЭЖИЛ: