Улаанбаатар хотын захирагчаар Б.Пүрэвдагва томилогдоод багагүй хугацаа өнгөрөв. Тодруулбал, шинэхэн хотын дарга томилогдоод сар гаруй хугацаанд ажиллаж байна. Мэдээж хотын дарга шинээр томилогдоод махны үнэ буураад, нийслэлчүүдийн амьдрал сайхан болно гэж амлаад сар гаруйн хугацаа өнгөрч байна. Одоогоор Б.Пүрэвдагва дарга хийнэ, бүтээнэ гэсээр ажилтайгаа танилцсаар л явна. Өөрөөр нийслэлчүүдийн хувьд махны үнэ нь буурсангүй, нийслэл сайхан болчихсонгүй. Мэдээж ажлаа аваад нэг сар болж байгаа хүний хувьд ажилтайгаа танилцах, асуудлынхаа учрыг олох гээд багагүй цаг хугацаа зарцуулах нь зүйн хэрэг. Гэхдээ ардын намынхан, Ерөнхий сайд Н.Учрал, шинээр томилогдсон Хотын дарга нар махны үнийг буулгаад, шинэ залуу, туршлагатай хүн "ёстой л алаад өгнө" гэж ам өгсөн.

Нийслэлчүүдийн хувьд дөрөвдүгээр сараас эхлээд есдүгээр сар хүртэл ид бүтээн байгуулалтын үе байдаг. Жилийн дөрвөн улиралтай ч хавар нь хүйтэн, цас бороотой бол бүтээн байгуулалтууд тэр хэрээр хойшилдог. Гэхдээ энэ хавар, зун хотын даргыг ажил хийлгэнэ гэдэг юу л болдоо. Юу юугүй бороо, цас ороод хүйтэн байгаа энэ цагт бүтээн байгуулалтын ажил хийлгэж, Улаанбаатарыг сайхан болгочихно гэсэн Б.Пүрэвдагвын ажил амлалтыг шалгачихаж байна уу гэлтэй.