Өмнөд солонгосчуудын зүрхэнд гүн бат шигдэн үлдсэн Кванжүгийн бослогын 46 жилийн ой өнөөдөр тохиож байна. Энэ өдөртэй холбоотойгоор ардчиллын төлөөх хөдөлгөөний үнэн мөнийг гуйвуулсан худал мэдээллүүд цахим орчинд ихээр таржээ.

"May 18" сангийн тавдугаар сарын 17-нд нийтэлснээр өнгөрсөн оны хоёрдугаар сараас арваннэгдүгээр сарын хооронд Кванжүгийн бослогын бодит үнэнийг гажуудуулсан, доромжилсон агуулгатай нийтлэл, сэтгэгдэл, бичлэгийн тоо 5182 хүрчээ. Энэ нь өнгөрсөн жилийн мөн үеэс 200 хувиар өссөн үзүүлэлт юм.

Ерөнхийлөгч агсан Чун Ду Хваны удирдсан цэргийн хунта улс орон даяар онц дэглэм тогтоосныг ард иргэд эсэргүүцэж, 1980 оны тавдугаар сард есөн өдрийн турш жагссан байдаг. Ард иргэдийн жагсаал хөдөлгөөнийг цэргийн хүчээр дарсны улмаас олон зуун хүн амиа алдаж, сураггүй болсон. Тиймдээ ч энэ үйл явдлыг түүхэнд Кванжүгийн бослого гэхээсээ илүү Кванжүгийн аллага, хядлага гэж нэрлэдэг.

Бослогоос хойш олон арван жил өнгөрсөн ч зарим хэт барууны үзэлтнүүд цахим орчинд түүхийг гуйвуулсаар байна.

Цахим орчин дахь худал мэдээллийг гурван төрөлд ангилж байгаа аж. Үүнээс хамгийн түгээмэл нь Кванжүгийн бослогыг ардчиллын төлөөх хөдөлгөөн бус үймээн самуун гэж тайлбарласан мэдээлэл байна. Мөн хөдөлгөөнд оролцогчид болон хохирогчдын тэтгэмж, Хойд Солонгосын цэргийн оролцоотой холбоотой худал мэдээлэл түгээмэл байна.

2021 онд батлагдсан хуулийн дагуу бослогын үнэнийг гуйвуулсан, худал мэдээлэл түгээсэн этгээд тав хүртэлх жилийн хорих ял авна. Гэвч бодит байдал дээр уг хуулийн хэрэгжилт тааруу байгаа юм. Үндэсний цагдаагийн газрын мэдээллээс харахад 2021 оноос хойш энэ оны дөрөвдүгээр сар хүртэл уг хуулийн дагуу 120 сэжигтнийг баривчилсан бөгөөд ердөө 67 хүнийг прокурорт шилжүүлжээ.

FILE- Scores of captured rebels with hands up are being led away Tuesday May 27, 1980, by armed soldiers from the provincial government HQ., in this city of Gwangju (Kwangju) which South Korean troops recaptured in a firefight earlier in the day. (AP Photo)

Armed South Korean government martial law troops, guard captured rebels in Gwangju (Kwangju), South Korea May 27, 1980. The rebels were rounded up following the recapture by the government of this riot-battered city. (AP Photo/Sadayuki Mikami)