Цахим спортын "CS2" төрлийн энэ оны хоёр томоохон тэмцээний хугацаа давхцаж, багууд хуваагдав. Казахстанд "PGL Astana 2026" болж, "Spirit" түрүүлсэн бол АНУ-д болсон "IEM Atlanta"-д "NaVi" аварга болжээ.

"Spirit" Астанад аваргаа хамгаалав. Өнгөрсөн жилийн энэ тэмцээний аваргууд энэ удаад "Falcons"-той финалд таарч, ядах юмгүй 3-0 гэсэн харьцаатай буулган авчээ. Багийн ахлагчаараа "karrigan"-ийг авчирсан ч бэлтгэл тааруу байгаа нь харагдаж, "donk"-ийг дийлсэнгүй. Финалд "donk"-оос гадна "tN1R" сайн буудсан.

"Falcons" баг "m0NESY"-ийн эрин үед зургаан тэмцээний дэд аваргаар тодорлоо. Хэзээ түрүүлэх вэ гэдэг асуулт хэвээр үлдэв.

Нөгөө талд "donk" тэмцээний "Үнэ цэнтэй тоглогч" буюу "MVP"-ээр тодорчээ. Энэ нь түүний мэргэжлийн замналын 11 дэх шагнал болов. Дөнгөж 19 настай тэрбээр "MVP" авсан тоогоороо "NiKo", "GeT_RiGhT" гэсэн домгуудыг гүйцэв.

Харин Америкт "NaVi" зогсоох баг байсангүй. "Vitality"-г хассан тэд финалд "GamerLegion"-ийг 3-0 гэсэн харьцаатай хожжээ. Тэмцээний "MVP"-ээр "w0nderful" тодорсон аж.

"W0nderful" анхныхаа "MVP" шагналаа авчээ. Тэрбээр тэмцээний дараа ярихдаа "Өөрийгөө нэг л өдөр MVP шагнал авна гэдгийг мэдэж байсан" гэв.