“Улсын арслан” цолтнуудад хүндэтгэл үзүүлэх улс, аймаг, цэргийн цолтой хүчит 128 бөхийн барилдаан өнөөдөр буюу тавдугаар сарын 17-нд болно.

Тус барилдаанд Хөвсгөл аймгийн Тосонцэнгэл сумын харьяат улсын арслан Ц.Содномдорж, Сэлэнгэ аймгийн Цагааннуур сумын харьяат улсын арслан Б.Орхонбаяр, Хэнтий аймгийн Өмнөдэлгэр сумын харьяат улсын арслан Э.Оюунболд, Өвөрхангай аймгийн Төгрөг сумын харьяат улсын арслан Ц.Бямба-Отгон, Архангай аймгийн Булган сумын харьяат улсын арслан Р.Пүрэвдагва тэргүүтэй “Улсын арслан” цолтой бөхчүүд манлайлан зодоглохоор бүртгүүлжээ.