Улаанбаатар хотын агаар, хөрсний бохирдлыг шийдвэрлэх хүрээнд “Сэлбэ дэд төв” төслийг хэрэгжүүлж эхэлсэн ч санхүүжилтийн эрхийг нь УИХ олгохгүй болсноос төсөл гацах болоод буй.

Энэ асуудлыг УИХ-ын гишүүн, Соёл, спорт, аялал жуулчлал, залуучуудын сайд Ж.Алдаржавхлангаас тодруулахад “Сэлбэ дэд төв” төслийг хурдан хэрэгжүүлж, ашиглалтад оруулсан бол  цаашлаад Яармагийн гэр хорооллыг дээрх жишгээр шийдэх байсан. Уг асуудлыг унагаснаар нийслэлд хэрэгжих олон төслийг мухардалд оруулсан харамсалтай юм болсон.  Төслийг эсэргүүцэж байгаа гишүүдийн үндэслэлийг ойлгоогүй, нийслэлийн төсөл учраас гацаасан юм болов уу л гэж ойлгосон.

Ирэх зургадугаар сард  “Улаанбаатар трамбай” төсөл эхэлнэ. Манай Яармагийнхан 3-4 цаг түгжирдэг. Энэ төсөл хэрэгжих юм бол Яармагаас Улаанбаатар хотын төвд ирэхэд 20 минут л болно. Уг төсөлд дахиад улс төр орчихвий., Х.Нямбаатараас болоод унагаачихвий гэж айж байна. Тийм учраас энэ төслөө Х.Нямбаатар байна уу, хэн байна хувь хүнд захирагдалгүйгээр явуулаасай. Бүтээн байгуулалтын төсөл зогсоод байх юм бол амласан амлалтаа хэрэгжүүлж чадахгүй, иргэдийнхээ тулгамдсан асуудлыг шийдвэрлэж чадахгүй хүнд байдалд орох гээд байна. Энэ зун эхлэх трамбвай төсөл яваасай л гэж бодож байна” гэлээ.