Монгол Улс гадаад улс руу нэг килограмм махаа дөрвөн ам.доллараар экспортолдог бол ард иргэд нь 10 ам.доллараар махаа худалдан авч байна. Иргэдийн зүгээс "Махны үнэ тэнгэрт хадаж байхад үнийн энэ гажуудлыг засахад төр арга хэмжээ авахгүй байна" гэж шүүмжилж буй.

60 гаруй сая толгой малтай хэрнээ дотооддоо гадаадад экспортод гаргадаг үнээс өндөр мах худалдан авч идэж байгаа шалтгааныг салбарын сайд Ц.Идэрбат тайлбарлахдаа "Монгол малын гоц халдварт өвчнөөс болоод гадаад руу махаа хямд зардаг.

БНХАУ руу махаа гаргахдаа махаа хагас боловсруулж, дулааны аргаар чанаад гаргадаг бол Иран руу экспортолж байгаа мах нь маш туранхай, өөхгүй байхыг шаарддаг" гэжээ. Мөн тэрбээр "Төр махны асуудалд оролцож байгаа тохиолдол бол нийслэлээс л нөөцийн мах бэлтгэн, худалдаалж байна. Нийслэл дээр долоо хоногийн өмнө 1800 гаруй тонн мах борлуулах гээд хүлээж байна. Энэ нөөц нь ирэх зургадугаар сарын 10-ныг хүргэчих байх. Үүний ар дээр шинэ, нойтон мах зах зээлд нийлүүлж эхэлснээр махны үнэ буурч эхэлдэг. Хаврын улиралд махны үнэ өсдөг" гэсэн юм.

Зах зээлд нийлүүлэгдэж буй "эдийн засгийн мах" нь нийт малын багахан хувийг эзэлдэг. Малчид хавар малаа нядалж зардаггүй.

Тэгэхээр хавар бий болж буй үнийн өсөлтийг намар болон өвөл мах бөөнөөр нь хямдаар аваад төхөөрч бэлдээд, бас хадгалж чадсан хүмүүс л тэрхүү үнийг өсөлтийг авдаг. Тэгэхээр малчид биш. Бизнес талаасаа энэ нь шударга бус гэсэн үг бас биш. Мал ихтэй атлаа махны үнэ өндөр байдаг нь бизнес талаасаа нийлүүлэлтийн сүлжээний асуудал, гэхдээ оновчтой зохион байгуулаад, гоё шийдэх бүрэн боломжтой" гэдгийг хэлж байсан юм.

Харамсалтай нь, үе үеийн Засгийн газар нийлүүлэлтийн сүлжээг оновчтой болгох бодлого хэрэгжүүлж чадсангүй, зөвхөн нөөцийн мах бэлтгэн нийлүүлэхэд анхаардаг нь эцсийн дүндээ  хэдхэн ченж Монголын махны зах зээлийг атгаж хүссэнээр удирдах болсон нь инфляцийг ч өдөөж ард иргэд мах тансаг хэрэглээ болон хувирахад хүргээд байна.