Хотын дарга Х.Нямбаатар нийслэлийн МАН-ын хорооны хурлыг гэнэт зарлаж, тойрон хүрээлэгчдээрээ хуралдав. Тэдний дунд үеэ өнгөрөөж харьсан, авлига, албан тушаалын хэрэгт холбогдсон, ёс зүйн хариуцлага хүлээсэн улстөрчид цөөнгүй багтжээ.

Жишээ нь, Нийслэлийн Засаг дарга бөгөөд Улаанбаатар хотын Захирагчаар ажиллаж байгаад дуулиан “ногоон автобус”-ны хэргээр огцорсон Д.Сумъяабазар байлаа. Тэрбээр өнөөгийн хотын дарга Х.Нямбаатарыг бүх талаар нь дэмжинэ гэдгээ илэрхийлээд, өөрийгөө өмгөөлөөд амжжээ.

Тэрбээр том төслүүдийг авч чадаагүй бүлэглэл шинжтэй компаниуд хорссондоо өс хонзон санана. Улс төрийн акц хийнэ. Албан тушаалаас огцруулах акц хийнэ. Үүнийг би өөрийнхөө биеэр туулаад гараад ирсэн хүн шүү дээ. Хаа хамаагүй “ногоон автобус” дээр гүтгэлэг хийсээр байгаад хойш нь суулгасан.

Нийслэлийн МАН эв нэгдлийг хангаж байж явахгүй бол цаашаа явахгүй. Том төслүүдийг цааш нь явуулъя гэвэл, намын дотоод эв нэгдэл, дотоод ойлголцлыг хангаж байж явуулна. Том төсөл бүрийн ард намын гэх бодлоготой удирдлагууд байгаа шүү. 2024 оны долоодугаар сард шинээр сонгогдсон ерөнхий нарийн бичгийн даргаас эхлүүлээд Засгийн газраа хэдэн удаа огцруулав. Ерөнхий нарийн бичгийн даргатай хаамаралтай асуудал шүү. МАН дотроос дээш, доош буруу мэдээ өгч, сошиал багийг турхирч байна. Д.Амарбаясгалан дарга бид хоёрын хооронд Я.Содбаатар заваан юм хийсэн хэмээн ярьжээ.

Тэрбээр мөн МАН-ын дотроос намаа хагалж, том төслүүдийг гацаагчаар генсек Я.Содбаатарыг нэрлэж, нийслэлийн намын хорооны хаалттай хурлын үеэр хэдэн удаа цолложээ. Үүний өмнө УИХ-ын дарга асан Д.Амарбаясгалан Я.Содбаатар, Ж.Энхбаяр нарыг Ерөнхийлөгчид худал мэдээлэл өгч, намаа хагаралдуулж байгаа талаар нэг бус удаа ярьж байсан юм.

Б.Шархүү