АНУ, Ираны гал зогсоох хэлэлцээрийн хугацааг зуучлагч тал Пакистаны хүслээр дахин сунгаж буйг Дональд Трамп мэдэгдлээ. Хоёр долоо хоногийн хугацаатай гал зогсоох хэлэлцээр өнөөдөр дуусч байсан боловч Ираны тал нэгдсэн ойлголтод хүрч чадаагүй тул ийм шийдвэр гаргаж буй аж. Угтаа бол АНУ-ын дэд ерөнхийлөгч Ж.Д.Вэнс энхийн хэлэлцээний асуудлаар Мягмар гаригт Исламабадыг зорих гэж байсан ч эцсийн мөчид онгоц нисээгүй. Ж.Д.Вэнсийн айлчлал албан ёсоор зарлагдаагүй ч Иран хэлэлцээнд оролцоно гэдгээ баталгаажуулаагүй тул Цагаан ордон тодорхойгүй байдалд ороод байсан.

Трамп ийнхүү сүүлийн хоёр долоо хоногийн дотор дайныг хурцатгах алхмаас хоёр дахь удаагаа ухарч байна. Өөрөөр хэлбэл, түүнийг хугацаа хожиж байна гэж ажиглагчид дүгнэв.

Энэ удаад гал зогсоох хэлэлцээ хэдий хүртэл үргэлжлэхийг тодорхой заагаагүй нь анхаарал татаж байна. Шинжээчдийн үзэж байгаагаар энэ нь бодит нөхцөл байдлыг харгалзсан амьдралд ойр шийдвэр болж байна. Нөгөөтэйгүүр Ираны дотоодод байгаа хагаралыг ашиглах гэж буй оролдлого гэж үзжээ.