Цомын төлөөх боулингийн тэмцээн эхэллээ | News.MN

Цомын төлөөх боулингийн тэмцээн эхэллээ

Хуучирсан мэдээ: 2010.09.11-нд нийтлэгдсэн

Цомын төлөөх боулингийн тэмцээн эхэллээ

Нийслэл хотын өдрийг угтан Нийслэлийн засаг даргын тамгын газар, Монголын Боулинг Сонирхогчдын Холбоо  хамтран 2010 оны CITY CUP -2010 боулингийн шилжин явах цомын нийт 8.000.000 төгрөгийн шагналын сантай уламжлалт тэмцээнийг амжилттай зохион байгуулан явуулж байгаа юм. Тэмцээний хамгийн анхны салбар тэмцээн хэвлэл мэдээллийн байгууллагуудын дунд өнөөдөр амжилттай зохион байгуулагдаж дүнгээ гаргалаа.
Хэвлэл мэдээллийн байгууллагын салбар тэмцээнд МҮОНТ, NTV, TV9, Eagle телевизүүд болон  Ардын эрх, Нийгмийн толь сонин зэрэг 20 гаруй хэвлэл мэдээллийн байгууллага оролцсоноос TV9 телевизийн Баярсайхан ахлагчтай баг нийт 2 тоглолтын нийлбэр дүнгээр 1227 оноогоор,  Содбаяр ахлагчтай NTV телевизийн баг 1215 оноогоор тус тус шалгарч хэвлэл мэдээллийн байгууллагуудыг төлөөлөн финалын шатанд оролцох эрхийг гардан авлаа. Боулингийн CITY CUP -2010 тэмцээний бусад салбарын өрсөлдөөн дараахь байдлаар үргэлжлэх юм байна.  

Үүнд:
Биеийн тамир, спортын салбар тэмцээн    –    2010.09.25 – 10.00 цаг
Нийслэлийн төр захиргааны салбар тэмцээн    –    2010.09.18 – 10.00 цаг
Банк, санхүүгийн салбар тэмцээн        –    2010.10.02 – 10.00 цаг
Мэдээлэл харилцаа, холбооны салбар тэмцээн    2010.10.09 – 10.00 цаг
Газрын тосны салбар тэмцээн            –    2010.10.16 – 10.00 цаг
Дэд бүтцийн салбар тэмцээн                2010.10.22 – 10.00 цаг
Бизнесийн байгууллагуудын салбар тэмцээн        2010.10.23 – 10.00 цагаас тус тус болох бөгөөд аваргын төлөөх шигшээ тоглолт 2010.10.24-ний 10.00 цагт “Биг боулинг” төв дээр болох юм байна.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж