Бөхийн чөлөөт барилдааны насанд хүрэгчдийн дэлхийн аварга шалгаруулах тэмцээн ОХУ-ын нийслэл Москва хотноо зургаа дахь өдрөө үргэлжилж байна. Тэмцээний хуваарийн дагуу өнөөдөр чөлөөт бөхийн эрэгтэйчүүдийн 60, 84, 96 кг-ын жингийн барилдаан болж, аваргууд тодрох учиртай. Харин манай улсаас тус гурван жинд Э.Ням-Очир /60 кг/, Д.Түгждорж /84 кг/, Я.Алтантулга /96 кг/ нар барилдана.

Э.Ням-Очир эхний тойргийн барилдаанд хийлсэн бөгөөд хоёрдугаар тойрогт Японы бөх Хироюүки Одатай барилдана. Мөн 84 кг-д Д.Түгждорж мөн эхний тойргийн барилдааныг өнжиж, дараагийн тойрогт Узбекистаны бөх Заурбек Сохиевтэй барилдахаар сугалаа татсан байна. Түүнчлэн 96 кг-д барилдах Я.Алтантулгын тухайд мөн л эхний тойрогт хийлсэн бөгөөд хоёрдугаар тойргийн барилдаанаа Кубын тамирчин Микел Антонио Батиста Мартинезийн эсрэг хийхээр болжээ.

Барилдаан Монголын цагаар 17.00 цагаас эхэлнэ.

С.Цэлмэг